ہندوستان، جنوبی افریقہ کے خلاف میچ برابر کرنے کے ارادے سے میدان میں اترے گا

گوہاٹی، 21 نومبر (یو این آئی) گوہاٹی ایک ایسا شہر جس نے پہلے کبھی ٹیسٹ میچ کی میزبانی نہیں کی ہے، کل پہلی بار ٹیسٹ کرکٹ کے ساتھ مرکزِ توجہ بننے والا ہے، کولکاتہ میں شکست کے بعد ہندوستان دو ٹیسٹ میچوں کی سیریز میں 0-1 سے پیچھے ہے۔
دوسری طرف جنوبی افریقہ بھی مکمل یقین کے ساتھ تاریخ رقم کرنے کے لئے میدان میں اترے گی۔ ہندوستانی سرزمین پر 2-0 سے جیت ان کے بالکل قریب ہے اور وہ اسے حاصل کرنے کے لیے پرجوش ہیں۔
ٹاس ہمیشہ کی طرح فیصلہ کن ثابت ہو سکتا ہے۔ اس نئے وکٹ پر پہلے بیٹنگ کرنا زیادہ سیف آپشن دکھائی دیتا ہے، امید ہے کہ پچ شروع سے ہی یہ پچ غیر متوقع باؤنس اور ٹرن فراہم کرے گی۔ ہندوستان یشسوی جیسوال اور کے ایل راہل کو اس امید کے ساتھ اننگز کے آغاز کے لیے بھیجے گا کہ وہ نئی گیند کا سامنا کر سکیں۔
رِشبھ پنت پر بھی نظریں مرکوز ہوں گی۔ اگر وہ جلد کریز پر آ گئے تو ان کی زبردست ہٹنگ یا پریشر میں کھیلنے کی صلاحیت میچ کا رخ بدل سکتی ہے۔
اس میچ میں کلدیپ یادو، رویندر جڈیجہ اور اکشر پٹیل کا کردار انتہائی اہم ہوگا۔ پچھلے میچ میں جنوبی افریقہ کے گیند بازوں نے ہندوستانی اسپنرز سے بہتر گیندبازی کی تھی، اسی لیے توقع ہے کہ ہندوستان اس بار ابتدا سے ہی اسپن اٹیک پر زیادہ دھیان دے گا۔
جنوبی افریقہ کی بیٹنگ ٹمبا باؤما، ایڈن مارکرم اور رائن ریکلٹن پر زیادہ منحصر ہوگی، جبکہ مڈل آرڈر ویان ملڈر، ٹرسٹن اسٹبس اور کائل ویرین جیسے کھلاڑی ہیں جو ہندوستان کے لیے مشکلات کھڑی کر سکتے ہیں۔
یو این آئی ۔ م ع