چین خلائی اسٹیشن پر چوہوں پر مشتمل سائنسی تجربات کرے گا۔

جیکوان، 30 اکتوبر (یو این آئی) چائنا مینڈ اسپیس ایجنسی (سی ایم ایس اے ) نے جمعرات کے روز بتایا کہ شینزو 21 کا عملہ چین کے خلائی اسٹیشن پر اپنے قیام کے دوران مدار میں چوہوں پر مشتمل سائنسی تجربات کرے گا۔
سی ایم ایس اے کے ترجمان ژانگ جِنگبو نے شینزہو 21 مشن کے آغاز سے ایک روز قبل منعقدہ پریس کانفرنس میں کہا کہ چار چوہوں، دو نر اور دو مادہ، کو شینزو 21 خلائی جہازکے ذریعے خلائی اسٹیشن پر لے جایا جائے گا ۔
یہ بتاتے ہوئے کہ یہ پہلا موقع ہے جب چین خلا میں چوہے جیسے ممالیہ جانور پر سائنسی تجربات کرے گا، ژانگ نے کہا کہ مدار میں ہونے والا مطالعہ ان جانوروں کے رویے پر خلائی حالات، جیسے مائیکرو گریوٹی اور بند جگہ کے اثرات کا جائزہ لینے پرمرکوز ہو گا۔
اس کے بعد چوہے ایک خلائی جہاز کے ذریعے زمین پر واپس آئیں گے اور یہاں خلاء میں چوہوں کے متعدد ٹشوز اور اعضائپر پیدا شدہ تناؤ کے ردعمل اور تبدیلیوں کوجانچنے کے لیے مزید سائنسی تحقیق کی جائے گی۔
جمعہ کے روز (بیجنگ وقت) کے مطابق شمال مغربی چین میں جیوکوان سیٹلائٹ لانچ سینٹر سے شینزو 21 کے عملے پر مشتمل اسپیس شپ کو رات 11:44 پر لانچ کیا جائے گا۔۔ ٹائیکوناٹس ژانگ لو، وو فی، اورژانگ ہونگ ژانگ اس مشن کو انجام دیں گے ۔
مدار میں اپنے قیام کے دوران یہ عملہ کُل 27 نئے سائنسی اور ایپلیکیشن اسٹڈی پروجیکٹس پر کام کرے گا۔