جنوبی لبنان میں اسرائیل کا ڈرون حملہ، 2 افراد ہلاک

بیروت، 25 اکتوبر (یو این آئی) جنوبی لبنان کے قصبے تول میں اسرائیل نے ڈرون حملہ کیا ہے جس کے باعث 2 افراد ہلاک اور 2 زخمی ہوگئے ۔
عرب میڈیا کا اس حوالے سے کہنا ہے کہ حملے میں اسرائیل نے کار کو ڈرون سے نشانہ بنایا، جس کے نتیجے میں شہادتیں ہوئیں۔
مشرقی اور جنوبی لبنان میں گزشتہ روز بھی اسرائیلی فضائی حملوں میں 4 افراد جام شہادت نوش کرگئے تھے ۔
اسرائیل نے دعویٰ کیا تھا کہ گزشتہ روز کیے گئے حملوں میں مزاحمتی تنظیم حزب اللّٰہ کے ٹھکانوں کو ٹارگٹ کیا تھا۔
عرب میڈیا کا کہنا ہے کہ اسرائیل نے حزب اللّٰہ کے ساتھ نومبر 2024ء کے معاہدے کی تقریباً روزانہ کی بنیاد پر خلاف ورزی جاری رکھی ہوئی ہے ۔