جعلی دستاویزات کے ذریعے بیرونِ ملک بھیجنے والا ایجنٹ گرفتار

دہلی پولیس کی آئی جی آئی ایئرپورٹ یونٹ نے طویل عرصے سے فرار ایجنٹ گْر امرت پال سنگھ ملتانی عرف پالی (54) کو گرفتار کر لیا ہے۔ ملزم 2019 سے فرار تھا۔
پولیس نے بتایا کہ ملزم کے خلاف سال 2019 میں مقدمہ درج کیا گیا تھا اور وہ اس وقت کینیڈا کا مستقل شہری ہے۔ اس پر اسی نوعیت کے سات مقدمات میں ملوث ہونے کے الزامات ہیں۔
پولیس ڈپٹی کمشنر وچتر ویر نے جمعہ کے روز بتایا کہ گْر امرت پال سنگھ ملتانی نے دعویٰ کیا ہے کہ وہ کالج کے دوران بین الاقوامی سطح پر کبڈی کھیل چکا ہے۔ 1995 میں وہ اپنے کنبے کے ساتھ کینیڈا چلا گیا اور 1999 میں اسے کینیڈا کی مستقل شہریت (پی ا?ر) مل گئی، لیکن زیادہ پیسہ کمانے کے لالچ میں اس نے دیگر ایجنٹس سے رابطہ کر کے جعلی دستاویزات تیار کروائیں اور لوگوں کو بیرونِ ملک بھیجنا شروع کر دیا۔
اس نے گرو نانک دیو یونیورسٹی، پنجاب کی ٹیم سے ہندوستان کی سطح پر اور کینیڈا میں ہیملٹن پنجاب اسپورٹس کلب سے 1996-97 میں کبڈی کھیلی تھی۔
قابل ذکر ہے کہ 27 ستمبر 2019 کو آئی جی آئی ایئرپورٹ امیگریشن نے شکایت درج کروائی تھی کہ نو ہندوستانی مسافروں کو ایتھوپیا سے واپس بھیج دیا گیا کیونکہ ان کے پاس جو مسلسل روانگی سرٹیفیکیٹ (سی ڈی سی) تھا، وہ حکومتِ ساموا کی طرف سے جاری نہیں کیا گیا تھا۔ ساموا حکومت نے تصدیق کی تھی کہ یہ تمام سی ڈی سی جعلی ہیں۔ اسی بنیاد پر مقدمہ درج کیا گیا۔