شری گنگا نگر، 26 ستمبر (یواین آئی) – راجستھان میں شری گنگا نگر کی خصوصی عدالت نے گانجہ اسمگلنگ کے قصوروار کو جمعہ کو دو سال کی سخت قید کی سزا سنائی۔
نارکوٹک ڈرگس اینڈ سائیکوٹرپک مادہ (این ڈی پی ایس)ایکٹ کے معاملات کے خصوصی جج اجے کمار بھوجک نے ملزم شروَن کمار کو گانجہ اسمگلنگ کرنے کا قصوروار قرار دیتے ہوئے اس پر 20 ہزار روپے کا جرمانہ بھی عائد کیا۔
معاملے کے مطابق کوتوالی تھانہ علاقے میں پولیس نے 27 اگست 2018 کو ملزم شروَن کمار کو غیر قانونی طور پر گانجہ فروخت کرتے ہوئے پکڑا تھا۔
ٹریکٹر ٹرالی-پک اَپ کی ٹکر سے بچی کی موت، 21 زخمی
کوٹہ، 26 ستمبر (یواین آئی) – راجستھان کے کوٹہ ضلع کے سیملیا تھانہ علاقے میں پِک اَپ کی ٹکر سے ٹریکٹر ٹرالی میں سوار ایک بچی کی موت ہو گئی جبکہ 21 دیگر لوگ زخمی ہو گئے ۔
پولیس ذرائع کے مطابق مالی سماج کے لوگ کوٹہ کے چار گاؤں، ڈابڑ بَموری اور دیگر گاؤں سے دیوتاؤں کی رسوئی لے کر ٹریکٹر سے جھالاواڑ کے ماؤ مہاراج جا رہے تھے ۔ ٹریکٹر ٹرالی میں تقریباً 40 لوگ سوار تھے ۔ قومی شاہراہ 27 پر چینسا کے قریب جمعرات کی رات تقریباً ساڑھے بارہ بجے ان کے پیچھے آ رہی تیز رفتار پِک اَپ نے ٹریکٹر ٹرالی کو ٹکر مار دی۔ اس سے ٹرالی اُلٹ گئی اور اس میں سوار لوگ دب گئے ۔
آس پاس کے لوگوں نے ٹرالی کے نیچے دبے لوگوں کو نکالا۔ ان میں رَشمی (11) کی موت ہو گئی جبکہ زخمیوں کو آر بی ایم اسپتال لے جایا گیا جہاں 21 زخمیوں کو داخل کیا گیا ہے ۔ زخمیوں میں زیادہ تر بچے ، عورتیں اور بزرگ شامل ہیں۔
