آئی سی سی نے رؤف اور فرحان کو فیلڈ کنڈکٹ پر سرزنش کی

دبئی، 26 ستمبر (یو ان آئی ) دبئی میں 21 ستمبر کو ہندوستان اور پاکستان کے میچ کے دوران ضابطہ اخلاق کی خلاف ورزی کے الزام میں دو پاکستانی کھلاڑیوں کو آئی سی سی میچ ریفری نے سرزنش کی ہے۔ آئی سی سی کی طرف سے کی گئی سماعت میں، دونوں کو آئی سی سی کوڈ آف کنڈکٹ کے تحت لیول 1 کے جرم کا قصوروار پایا گیا۔
کرک بز کو معلوم ہوا ہے کہ فاسٹ بولر حارث رؤف کو میدان میں گر کر تباہ ہونے والے طیارے کی نقل کرنے پر جرمانہ کیا گیا ہے۔۔ جرمانے کی صحیح رقم معلوم نہیں ہے لیکن رؤف کی میچ فیس کا ایک حصہ کاٹ لیا گیا ہے۔
پاکستان کے اوپنر صاحبزادہ فرحان کو بھی لیول 1 کے جرم کا مرتکب پایا گیا ہے اور آئی سی سی کے ایک اہلکار نے سرزنش کی ہے۔ فرحان نے اپنی نصف سنچری منانے کے لیے اپنے بلے کو بندوق کی طرح استعمال کیا۔ فرحان نے اس سپر 4 میچ میں ہندوستان کے ہاتھوں پاکستان کی چھ وکٹوں کی شکست میں 45 گیندوں پر 58 رنز بنائے۔