جالندھر میں محکمہ ایکسائز نے وہسکی کی 324 بوتلیں ضبط کیں

جالندھر، 23 ستمبر (یواین آئی ) پنجاب میں جالندھر رینج کے اسسٹنٹ کمشنر (ایکسائز) ویسٹ، نووجیت سنگھ نے منگل کو بتایا کہ کی رات ایک چیک پوائنٹ کے دوران کار سے شراب کی 324 بوتلیں برآمد کی گئیں۔
مسٹرسنگھ نے بتایا کہ ڈپٹی کمشنر (ایکسائز) ایس۔کے ۔ گرگ کی ہدایت پر، ایکسائز سرکل بستی ویسٹ بی کے انسپکٹر منجیت سنگھ ڈھینڈسا نے ایکسائز پولیس کے ساتھ مل کر کل رات بستی شیکھ روڈ سے گرو روی داس چوک تک ناکہ لگایا۔ ناکے کے دوران ایک ہونڈا امیز کار کو روکا گیا اور جانچ کرنے پر اس میں سے پنجاب کِنگ وہسکی کی 27 پیٹیاں (324 بوتلیں) برآمد ہوئیں۔
اسسٹنٹ کمشنر (ایکسائز) نے بتایا کہ کار ڈرائیور دیپک مہتا اور گگن ویر سنگھ کے خلاف ایف آئی آر درج کی گئی ہے ۔ انہوں نے کہا کہ محکمہ اس طرح کی غیر قانونی اسمگلنگ کے خلاف مسلسل کارروائی کرتا رہے گا اور کسی بھی قصوروار کو نہیں چھوڑا جائے گا۔