جموں میں مختلف جرائم میں ملوث تین خطرناک مجرم گرفتار:پولیس

جموں/۱۸ستمبر
پولیس کا کہنا ہے کہ جرائم پیشہ عناصر کے خلاف ایک بڑی کامیابی حاصل کرتے ہوئے پولیس پوسٹ بٹھنڈی (جو پولیس اسٹیشن بہو فورٹ کے دائرہ اختیار میں آتی ہے ) نے مختلف جرائم میں ملوث تین خطرناک مجرموں کو گرفتار کیا گیا۔
ایک پولیس ترجمان نے اپنے ایک بیان میں بتایا کہ پولیس پوسٹ بٹھنڈی کی ایک ٹیم نے تین خطرناک مجرموں کو گرفتار کیا ہے جو مختلف جرائم میں ملوث تھے ۔
ترجمان نے گرفتار شدگان کی شناخت محمد مجید عرف بہول ولد محمد حنیف، محمد سمیر ولد عبد الغنی اور مراد علی عرف فاجی ولد عبدالغنی ساکنان ڈاک بنگلہ موالیان، میراں صاحب جموں کے طور پر کی گئی ہے ۔
بیان میں کہا گیا کہ یہ گرفتاریاں ایف آئی نمبر۲۰۲۵/۱۵۲کے تحت بی این ایس کی متعلقہ دفعات اور ایف آئی نمبر ۲۰۲۳/۱۹کے تحت پی آئی سی کے دفعات میں پولیس اسٹیشن باہو فورٹ میں درج مقدمات کے سلسلے میں عمل میں لائی گئیں۔
ترجمان نے کہا کہ تفتیش کے دوران پولیس نے واردات میں استعمال ہونے والے ہتھیار بھی بر آمد کئے ۔انہوںنے بتایا کہ ان گرفتاریوں کے ساتھ ہی علاقے میں سرگرم بدنام زمانہ مجرموں کی سرگرمیوں کو بڑا دھچکہ لگا ہے
ترجمان نے کہا کہ مذکورہ مجرموں کی گرفتاری جموں پولیس کی جرائم پر قابو پانے اور شہریوں کی جان و مال کے تحفظ کو یقینی بنانے کی مسلسل کوششوں کا نتیجہ ہے ۔