لکشیا سین، ساتوک-چراغ کی جوڑی ہانگ کانگ اوپن کے کوارٹر فائنل میں

ہانگ کانگ، 11 ستمبر (یو این آئی) لکشیا سین نے جمعرات کو مردوں کے سنگلز زمرے میں ہم وطن ایچ ایس پرنائے کو اور مردوں کے ڈبلز میں ساتوک سایراج رینکیریڈی اور چراغ شیٹی کی جوڑی نے تھائی لینڈ کے پیراچائی سکفن اور پکاپون تیراتسکول کو شکست دے کر کوارٹر فائنل میں جگہ بنالی ہے۔ آج یہاں کھیلے گئے کولیزیم میں مقابلہ کرتے ہوئے ہندوستان کے ٹاپ اور دنیا کے 20 ویں نمبر کے کھلاڑی لکشیہ سین نے مردوں کے سنگلز بیڈمنٹن رینکنگ میں 34 ویں نمبر کے ایچ ایس پرنائے کو ایک گھنٹہ آٹھ منٹ میں 15-21، 21-18، 21-10 سے شکست دی۔
لکشیا سین کی شروعات سست تھی اور ایچ ایس پرنائے نے اس کا فائدہ اٹھاتے ہوئے پہلا گیم جیت لیا۔ پیرس 2024 کے سیمی فائنلسٹ لکشیا نے دوسرے گیم کا آغاز بھی سست کیا۔ وقفے تک وہ 11-9 سے پیچھے تھے لیکن پھر واپسی کرتے ہوئے اسکور 13-13 کر دیا۔ اگرچہ پرنائے نے پھر سے 18-17 کی برتری حاصل کرلی لیکن لکشیا نے لگاتار چار پوائنٹس حاصل کرکے گیم چھین لیا اور فیصلہ کن گیم پر مجبور کردیا۔ فیصلہ کن گیم میں بھی لکشیا سین نے محتاط انداز میں آغاز کیا اور پھر اپنی لے حاصل کرتے ہوئے ہاف ٹائم تک 11-8 کی برتری حاصل کی۔ اس کے بعد انہوں نے صرف دو پوائنٹس گنوائے اور میچ آسانی سے میچ جیت لیا۔ پرنائے کے خلاف نو میچوں میں یہ ان کی چھٹی جیت ہے۔ مینز ڈبلز پری کوارٹر فائنلز ساتوک سائراج رینکیریڈی اور چراغ شیٹی نے بھی گیم سے پیچھے رہنے کے بعد واپسی کرتے ہوئے تھائی لینڈ کے پیراچائی سکفون اور پکاپون تیراتسکول کو ایک گھنٹے اور تین منٹ میں 18-21، 21-15، 21-11 سے شکست دی۔
وقفہ میں 11-7 سے پیچھے رہنے اور بعد میں 16-10 پر کھسکنے کے باوجود، ساتوک اور چراغ نے واپسی کرتے ہوئے اسکور کو 18-18 کرلیا، لیکن تھائی جوڑی نے لگاتار تین پوائنٹس حاصل کرتے ہوئے پہلا گیم اپنے نام کرلیا۔
دوسرے گیم میں ساتوک اور چراغ نے تھائی جوڑی کو قابو میں رکھا اور انہیں ایک پوائنٹ سے زیادہ کی برتری نہیں لینے دی لیکن وقفہ پر 11-10 سے آگے ہو گئے۔ ہندوستانی بیڈمنٹن کھلاڑیوں نے اس کے بعد اپنی شدت میں اضافہ کیا اور فیصلہ کن تک پہنچنے کے لیے سات گیم پوائنٹس حاصل کیے۔
فیصلہ کن میچ میں، ہندوستانی جوڑی نے برتری حاصل کرتے ہوئے دبدبہ قائم کیا اورپھر جیت حاصل کرتے ہوئے بی ڈبلیو ایف سپر 500 ٹورنامنٹ کے کوارٹر فائنل میں جگہ بنالی۔