ٹرمپ کا یورپی یونین سے ہندوستان اور چین پر 100 فیصد ٹیرف عائد کرنے کا مطالبہ

واشنگٹن، 10 ستمبر (یو این آئی) امریکی صدر ڈونلڈ ٹرمپ نے یورپی یونین سے ہندوستان اور چین پر 100 فیصد ٹیرف عائد کرنے کا مطالبہ کیا ہے ۔
خبر رساں ایجنسی کے مطابق امریکی صدر ڈونلڈ ٹرمپ نے یورپی یونین سے بڑا مطالبہ کردیا ہے ، صدر ٹرمپ نے کہا کہ یورپی یونین چین اور ہندوستان پر 100 فیصد ٹیرف عائد کرے ۔
امریکی صدر نے کہا کہ 100 فیصد ٹیرف کے ذریعے روس پر یوکرین جنگ ختم کرنے کا مشترکہ دباؤ ڈالیں گے ، امریکی صدر نے یہ مطالبہ امریکی و یورپی حکام کے درمیان جاری ٹیلیفونک اجلاس میں کیا۔
اجلاس میں روس پر معاشی دباؤ بڑھانے کے مختلف طریقوں پر غور کیا گیا، صدر ٹرمپ نے کہا سب مل کر محصولات لگائیں تا کہ چین اور ہندوستان روس سے تیل خریدنا بند کریں۔
امریکی صدر ٹرمپ نے کہا کہ روسی تیل کے لیے زیادہ متبادل منڈیاں موجود نہیں ہیں، یورپی یونین ہندوستان اور چین پر محصولات لگائے گی تو واشنگٹن بھی ایسے اقدامات کرے گا۔