ہریانہ اور مغربی بنگال کا دبدبہ، گجرات نے بھی درج کی جیت

بنگلورو، 06 ستمبر (یو این آئی) 64ویں سبروتو کپ انٹرنیشنل فٹبال ٹورنامنٹ کے سب جونیئر بوائز (انڈر-15) زمرے کے تیسرے دن ہریانہ اور مغربی بنگال نے بڑے فرق سے کامیابی حاصل کر کے اپنا دبدبہ قائم کیا، وہیں گجرات نے بھی شاندار کھیل کا مظاہرہ کرتے ہوئے فتح کے ساتھ دن کا اختتام کیا۔
دن کی شروعات ایک سخت مقابلے سے ہوئی، جس میں منروا پبلک اسکول (سی آئی ایس سی ای) اور شری لیلانند سیکنڈری اسکول (جھارکھنڈ) کا میچ 2-2 کی برابری پر ختم ہوا۔ سی آئی ایس سی ای کی جانب سے مَمیش (30’) اور بکسَن (33’) نے گول کیے، جبکہ جھارکھنڈ کے لیے سندیپ (22’) اور آشیِش (35’) نے گول کیے۔
اندرا ماڈرن ہائی اسکول (ہریانہ) نے تاشی نمگیال اکیڈمی (آئی پی ایس سی) پر 8-0 سے شاندار جیت درج کی۔ گورنمنٹ ماڈل سینئر سیکنڈری اسکول (چنڈی گڑھ) اور مدرز پرائیڈ پبلک اسکول (ہماچل پردیش) کے درمیان میچ 1-1 سے برابر رہا۔دوپہر کے میچ میں، مانک پارا وویکانند ودیاپیٹھ (مغربی بنگال) نے ایس ایف ایس ہائر سیکنڈری اسکول (ناگالینڈ) کو 8-1 سے شکست دی۔دن کے آخری میچ میں آنند نکیتن اسکول (گجرات) نے جے شری پیریوال انٹرنیشنل اسکول (آئی ایس ایس او) کو 2-0 سے شکست دی۔