ہندوجا گروپ اور اسٹرازینکا تمل ناڈو میں 5,176 کروڑ روپے کی سرمایہ کاری کریں گے

چنئی، 05 ستمبر (یواین آئی) تمل ناڈو حکومت نے ہندوجا گروپ اور اسٹرازینکا کمپنی کے ساتھ مفاہمت کی ایک یادداشت پر دستخط کیے ہیں، جس میں مجموعی طور پر 5,176 کروڑ روپے کی سرمایہ کاری کی جائے گی۔ ان دنوں تمل ناڈو کے وزیر اعلی ایم کے اسٹالن برطانیہ کے دورے پر ہیں۔
لندن میں مسٹر اسٹالن کی موجودگی میں دستخط کیے گئے معاہدے کے تحت ہندوجا گروپ 5,000 کروڑ روپے کی سرمایہ کاری سے ای-گاڑیوں، بیٹری ٹیکنالوجی اور اسپیئر پارٹس کی تیاری میں ایک پلانٹ قائم کرے گا اور اس سے ریاست میں 1000 سے زیادہ روزگار کے مواقع پیدا ہوں گے ۔
اسٹرازینکا، سرمایہ کاری کے اپنے تیسرے مرحلے کے حصے کے طور پر ریاست میں اپنے گلوبل انوویشن ٹیکنالوجی سینٹر (جی آئی ٹی سی) کو وسعت دینے کے لیے اگلے دو سالوں میں 176 کروڑ روپے کی سرمایہ کاری کرنے کا عہد کیا ہے ۔
ایک سرکاری ریلیز میں کہا گیا ہے کہ مسٹر اسٹالن کے جرمنی اور برطانیہ کے دورے کے نتیجے میں اب تک 13,016 کروڑ روپے کی سرمایہ کاری ہوئی ہے اور اس سے ریاست میں 17,813 ملازمتیں پیدا ہوں گی۔ مسٹر اسٹالن کے دورہ جرمنی کے دوران 26 کمپنیوں کے ساتھ مفاہمت ناموں پر دستخط کیے گئے ، جس میں ایرو اسپیس، دفاع، ریلوے اور آٹوموٹیو کے شعبوں میں 15,320 ملازمتوں کا وعدہ کرتے ہوئے 7,020 کروڑ روپے کی سرمایہ کاری کی گئی تھی۔
برطانیہ پہنچنے کے چند گھنٹوں کے اندر مسٹر اسٹالن نے پانچ بڑی کمپنیوں کے ساتھ مفاہمت نامے پر دستخط کیے ۔ 3 ستمبر کو تمل ناڈو میں اپنے توسیعی منصوبوں پر رولز رائس کے اعلیٰ حکام کے ساتھ بات چیت کرنے کے بعد انہوں نے لندن میں پانچ بڑی کمپنیوں کے ساتھ مفاہمت ناموں پر دستخط کیے ۔
ٹمل ناڈو رائزنگ یورپی دورے کے دوسرے مرحلے میں مسٹر اسٹالن نے لندن میں کئی اعلیٰ سطحی میٹنگوں میں شرکت کی۔ اس کے نتیجے میں دفاع اور ایرو اسپیس، جہاز سازی کی انٹیلی جنس، قابل تجدید توانائی، ٹیکسٹائل ٹیکنالوجی اور ڈیزائن اور ایکسیٹر یونیورسٹی جیسی اعلیٰ کمپنیوں کے ساتھ مفاہمت ناموں پر دستخط ہوئے ، جس سے ریاست میں سرمایہ کاری کو راغب کیا گیا۔
ان مفاہمت ناموں کا مقصد ہندوستان-برطانیہ آزاد تجارتی معاہدے (ایف ٹی اے ) کا فائدہ اٹھاتے ہوئے علاقائی تعاون کو مضبوط کرنا تھا اور ریاست میں اعلیٰ معیار کی بین الاقوامی سرمایہ کاری کو راغب کرنا تھا تاکہ تمل ناڈو کو 2030 تک ٹریلین امریکی ڈالر کی معیشت بنانے کے ہدف کو حاصل کیا جا سکے ۔