نئی دہلی، 3 ستمبر (یو این آئی ) ہندوستان کے دورے پر آئے جرمنی کے وزیر خارجہ جوہان وڈفول نے بدھ کو یہاں مرکزی کامرس اور صنعت کے وزیر پیوش گوئل کے ساتھ دو طرفہ اقتصادی اور تجارتی تعلقات پر تبادلہ خیال کیا۔
میٹنگ کو مفید’ قرار ہوئے مسٹر گوئل نے سوشل میڈیا پر ایک پوسٹ میں کہا ‘ہماری بات چیت دو طرفہ تجارت اور سرمایہ کاری کے تعلقات کو فروغ دینے پر مرکوز تھی۔ اس کے ساتھ، مشترکہ ترقی اور خوشحالی کے لیے جدت، پائیداری، ٹیکنالوجی اور باہمی دلچسپی کے دیگر شعبوں میں تعاون کی نئی راہیں تلاش کرنے پر بھی بات چیت ہوئی’ جرمن وزیر خارجہ کا یہ دورہ ایک ایسے وقت میں ہوا ہے جب ہندوستان کی برآمدات کو امریکہ میں اچانک 50 فیصد ٹیرف میں اضافے کا سامنا ہے ۔ جرمنی یورپ میں ہندوستان کا ایک بڑا تجارتی شراکت دار ہے ۔ دونوں ممالک کے درمیان سال 2024 میں تجارت 33.4 بلین ڈالر کے برابر تھی۔ جرمنی ہندوستان میں براہ راست غیر ملکی سرمایہ کاری کا ایک بڑا ذریعہ بھی ہے ۔ مارچ 2025 تک ہندوستان میں جرمنی کی مجموعی سرمایہ کاری 15.11 بلین ڈالر تھی۔ 2000 سے زیادہ جرمن کمپنیاں ہندوستان میں کام کر رہی ہیں۔
مسٹر وڈفل نے وزیر خارجہ ایس جے شنکر کے ساتھ ملاقات کے بعد کہا کہ جرمنی یورپی یونین (ای یو) اور ہندوستان کے درمیان
