چین میں منعقدہ بیلٹ اینڈ روڈ یوتھ باکسنگ گالا میں 14 ہندوستانی جونیئر باکسر فائنل میں پہنچے

سنکیانگ (چین)، 29 اگست (یو این آئی) چودہ ہندوستانی جونیئر باکسر تیسرے ’’بیلٹ اینڈ روڈ‘‘ بین الاقوامی یوتھ باکسنگ گالا – انڈر 17/انڈر-19/23 انڈر-23 بین الاقوامی تربیتی کیمپ اور ٹورنامنٹ میں سنکیانگ، چین میں منعقدہ اپنے اپنے فائنل میں داخلہ حاصل کرلیا، جس سے عمر کے گروپ میں مسلسل ان کی شاندار کارکردگی کا سلسلہ جاری رہا۔ قزاقستان، ایران، کوریا، ازبکستان، فلپائن اور چین کے مضبوط حریفوں کا سامنا کرتے ہوئے، 10 لڑکیوں اور 4 لڑکوں نے متاثر کن کارکردگی کا مظاہرہ کرتے ہوئے، ہندوستان کے لیے چاندی اور سونے کے کئی تمغے جیتنے کا ایک مضبوط موقع یقینی بنایا۔
ہندوستان نے 58 رکنی دستہ بھیجا ہے جو 20 لڑکوں اور 20 لڑکیوں پر مشتمل ہے، جس میں 12 کوچز، 5 معاون عملہ اور ایک ریفری اور جج شامل ہیں۔ اس ایڈیشن میں صرف انڈر 17 لڑکے اور لڑکیاں ہندوستان کی نمائندگی کر رہے ہیں۔ ٹیم کو چھٹی انڈر 17 جونیئر بوائز اینڈ گرلز نیشنل باکسنگ چیمپئن شپ 2025 سے منتخب کیا گیا تھا، جس میں ایشین یوتھ گیمز اور غیر ایشین یوتھ گیمز کے وزن کے زمرے میں میڈل فاتحین کو جگہ ملی تھی۔