ٹیچرز اینڈ ایمپلائز رائٹس پروٹیکشن فورم کے کنوینر بشواس گرفتار

مغربی بنگال کے کولکاتہ میں پولیس نے پیر کو ‘پرشکشت شکشک’ اور ‘کرمچاری ادھیکار رکھشا منچ’ کے کنوینر سومن بشواس کو نیو ٹاؤن میں واقع اسکول سروس کمیشن (ایس ایس سی) کے دفتر کے سامنے احتجاج کرنے سے قبل حراست میں لے لیا۔
یہ ریلی سرکاری امداد یافتہ اسکولوں سے برطرف اساتذہ کی بحالی کے مطالبے کے لیے بلائی گئی تھی۔سومن کے چھوٹے بھائی سنجے بشواس کے مطابق پولیس پہلے ہگلی ضلع کے چنسورا کے کوڈالیہ گاؤں میں واقع اس کے گھر پہنچی لیکن اسے کولکاتہ جانے کے وقت آدی سپتگرام ریلوے اسٹیشن سے حراست میں لیا گیا۔
یہ گرفتاری ایک دن بعد ہوئی ہے ،جب ودھان نگر پولیس نے دعویٰ کیا تھا کہ منچ سے وابستہ برطرف اساتذہ کا ایک حصہ آج پرتشدد احتجاج کا منصوبہ بنا رہا ہے ۔ پولیس نے ایک مبینہ آڈیو ریکارڈنگ جاری کی ہے ، جس میں مبینہ طور پر نیو ٹاؤن میں ایس ایس سی کے دفتر کے سامنے احتجاج کے دوران پولیس پر بموں، پتھروں اور پٹرول بم سے حملہ کرنے کی بات کہی گئی ہے ۔
ڈی سی (ہیڈ کوارٹر) انیش سرکار نے کہا کہ ریکارڈنگ ایک خفیہ ذریعہ سے موصول ہوئی ہے ۔ انہوں نے کہا کہ ہمیں یہ ریکارڈنگ پولیس پر پیٹرول بم اور ساکٹ بم پھینکنے اور امتحانی مراکز کو نشانہ بنانے کے حوالے سے ملی ہے ۔ آڈیو سے دو افراد کی شناخت ہوئی ہے ۔ ان کا مزید معاملہ درج کر لیا گیا ہے ۔