مرکزی حکومت کسانوں کی معاشی ترقی کے لیے پرعزم : شیوراج

سمستی پور،//مرکزی زراعت اور کسانوں کی بہبود کے وزیر شیوراج سنگھ چوہان نے آج کہا کہ مرکزی حکومت کسانوں کی اقتصادی ترقی کے تئیں پابند عہد ہے ۔
سمستی پور ضلع کے پوسا میں ڈاکٹر راجندر پرساد سنٹرل ایگریکلچرل یونیورسٹی کیمپس میں چوتھے کانووکیشن تقریب کے موقع پر صحافیوں سے بات کرتے ہوئے مسٹر چوہان نے کہا کہ مرکزی حکومت کسانوں کی معاشی ترقی کے تئیں پابند عہد ہے ۔ انہوں نے کہا کہ وزیر اعظم نریندر مودی کی قیادت میں ملک چوطرفہ ترقی کر رہا ہے ۔ انہوں نے کہا کہ کل ہی مرکزی کابینہ نے پردھان منتری دھن۔دھانیہ کرشی یوجنا کو منظوری دی ہے ، جس پر ہر سال 24 ہزار کروڑ روپے خرچ ہوں گے ۔
مرکزی وزیر نے کہا کہ اس اسکیم کے تحت ملک سمیت بہارکے سب سے کم پیداواری پسماندہ سو اضلاع کا انتخاب کیا جائے گا اور وہاں زرعی ترقیاتی کام کئے جائیں گے ۔ اس اسکیم سے ملک کے تقریباً ایک کروڑ 70 لاکھ کسان مستفید ہوں گے ۔
اس موقع پر زراعت اور کسانوں کی بہبود کے مرکزی وزیر مملکت رام ناتھ ٹھاکر، بہار کے نائب وزیر اعلیٰ وجے کمار سنہا، اطلاعات اور تعلقات عامہ کے وزیر مہیشور ہزاری، رکن پارلیمنٹ شامبھوی چودھری، بھارتیہ جنتا پارٹی کے قانون ساز کونسل کے رکن ترون چودھری، یونیورسٹی کے وائس چانسلر ڈاکٹر پی ایس۔ پانڈے بھی موجود تھے ۔ کانووکیشن کی تقریب میں 37 طلبا و طالبات کو گولڈ میڈل سمیت آٹھ سو طلبہ کو ڈگریاں دی گئیں۔
مرکزی وزیر شیوراج سنگھ چوہان نے اس موقع پر یونیورسٹی میں مختلف اسکیموں کا افتتاح بھی کیا۔