نئی دہلی// سائنس اور ٹکنالوجی کے مرکزی وزیر ڈاکٹر جتیندر سنگھ نے بدھ کو کہا کہ ہندوستان کے گروپ کیپٹن شوبھانشو شکلا اور دیگر خلابازوں کو بین الاقوامی خلائی اسٹیشن (آئی ایس آئی ایس) پر پہنچنے کے لیے ایکسیوم مشن 4 نئے شیڈول کے مطابق اب 22 جون کو بھیجا جا سکتا ہے ۔
ڈاکٹر سنگھ نے سوشل میڈیا پلیٹ فارم ‘ایکس’ پر ایک پوسٹ میں کہا کہ ایکسیوم اسپیس نے اس مشن میں خلابازوں کے لیے استعمال کیے جانے والے ماڈیول کی مکمل فٹنس، عملے کی صحت، موسم وغیرہ سمیت اہم پیرامیٹرز کی جانچ پڑتال اور جائزہ لینے کے بعد 22 جون کو ممکنہ لانچ کی تاریخ کے طور پر اشارہ کیا ہے ۔
انہوں نے کہا کہ اس سلسلے میں مزید نئی معلومات وقت پر دی جائیں گی۔
انڈین اسپیس ریسرچ آرگنائزیشن (اسرو) نے بھی ایسی ہی معلومات دی ہے ۔ اسرو اس مشن کے لیے امریکی خلائی تنظیم ناسا اور متعلقہ اداروں کے ساتھ مسلسل کام کر رہا ہے ۔
اس مشن کے لیے ہندوستان سے منتخب کئے ہندوستانی فضائیہ کے تجربہ کار پائلٹ گروپ کیپٹن شوبھانشو شکلا سمیت چار رکنی بین الاقوامی ٹیم کو آئی ایس ایس بھیجاجانا ہے ۔
یہ ٹیم امریکی ریاست فلوریڈا کے کینیڈی اسپیس سینٹر سے اسپیس ایکس فالکن 9 راکٹ سے لانچ کیے جانے والے ماڈیول میں سوار ہوکر آئی ایس ایس کے لیے روانہ ہوگی۔
