مانڈویہ فٹ انڈیا ترنگا سائیکل ریلی کی قیادت کریں گے

نئی دہلی//کھیل کود اور نوجوانوں کے امور کے مرکزی وزیر ڈاکٹر منسکھ مانڈویہ راجدھانی میں اتوار کو فٹ انڈیا سنڈے آن سائیکل کے 25ویں ایڈیشن کی قیادت کریں گے، جسے پورے ملک میں ترنگا ریلی کے طور پر منایا جائے گا۔
کھیل کی وزارت کی پریس ریلیز کے مطابق، راجدھانی میں میجر دھیان چند نیشنل اسٹیڈیم میں منعقدہ اس خصوصی پروگرام کی قیادت ڈاکٹر مانڈویہ کریں گے۔ ان کے ساتھ ریلی میں شامل ہونے والے نمایاں افراد میں اولمپک میڈلسٹ یوگیشور دت، بین الاقوامی ریسلر سریتا مور، بالی ووڈ اداکارہ شروری، اور سابق کرکٹر و سلیکٹر صبا کریم شامل ہیں۔
ریلیز میں کہا گیا کہ تین جون کو عالمی سائیکلنگ ڈے سے پہلے ہونے والے اس پروگرام کے ذریعے جسم کوصحت مند اور توانا رکھنے میں سائیکلنگ کے اہم کردار کا پیغام دینے کے ساتھ ساتھ ہندوستان کی مسلح افواج کے لیے اجتماعی احترام کا اظہار بھی کیا جائے گا۔
راجدھانی میں اس پروگرام میں 1,200 سے زائد سائیکل سواروں کے شامل ہونے کی توقع ہے۔ کل پورے ملک میں 2,000 سے زائد مقامات پر اس طرح کے پروگرام منعقد کیے جائیں گے۔
بھونیشور میں اڑیشہ کے گورنر ہری بابو کمبھمپتی ترنگا ریلی کو ہری جھنڈی دکھائیں گے۔
ریلی کے دہلی مرحلے میں ڈاکٹر منسکھ مانڈویہ کے ساتھ کھیلوں اور تفریح کی ممتاز شخصیات شامل ہوں گی ، جن میں اولمپک میڈلسٹ یوگیشور دت ، بین الاقوامی سطح کی پہلوان سریتا مور ، بالی ووڈ اداکار شارواری ، اور سابق کرکٹر اور سلیکٹر صبا کریم شامل ہیں ۔ ڈاکٹر مانڈویہ کی موجودگی میں متعدد سرگرمیوں کا منصوبہ بنایا گیا ہے جن میں کچھ اہم پروجیکٹوں کا آغاز شامل ہیں ۔
اسپورٹس اتھارٹی آف انڈیا (ایس اے آئی) کے کئی مراکز کے ساتھ ساتھ کھیلو انڈیا سینٹرز (کے آئی سی) میں کمیونٹی پر مرکوز فٹنس کی سرگرمیاں جیسے زومبا ، روپ سکپنگ ، گائیڈڈ یوگا سیشن شامل ہیں اور نیشنل سینٹر آف اسپورٹس سائنسز اینڈ ریسرچ (این سی ایس ایس آر) کے ماہرین کے ذریعے سائیکل ایونٹس پر اتوار کے دوران مفت صحت کی جانچ کرائی جاتی ہے ۔