ترال میں سکیورٹی فورسز کے ساتھ جھڑپ میں تین دہشت گرد ہلاک

جنوبی کشمیر کے ترال علاقے میں سیکورٹی فورسز اور دہشت گردوں کے درمیان جاری جھڑپ میں تین دہشت گرد ہلاک ہوگئے ہیں ۔
کشمیر زون پولیس نے ’ایکس‘پر ایک پوسٹ میں کہا”اونتی پورہ کے نادر ترال علاقے میں انکاونٹر شروع ہوا ہے “۔انہوں نے کہا’پولیس اور سیکورٹی فورسز کام پر لگے ہوئے ہیں‘۔
ایک پولیس افسر نے بتایا ’اس انکاونٹر کے دوران ایک عدم شناخت دہشت گرد مارا گیا جبکہ آپریشن ہنوز جاری ہے ‘۔
ذرائع نے بتایا کہ جھڑپ میں تین دہشت گرد مارے گئے ہیں‘جن کی شناخت آصف احمد شیخ(پہلگام حملے کا مشتبہ) عامر نذیر وانی اور یار احمد بھٹ کے طور ہوئی ہے ۔
اس سے پہلے فوج کے ترجمان نے بتایا’انٹلی جنس ایجنسیوں کی طرف سے مصدقہ اطلاع ملنے پر کارروائی کرتے ہوئے فوج، پولیس اور سی آر پی ایف کی ٹیموں نے 15 مئی کو اونتی پورہ کے نادر ترال علاقے کو محاصرے میں لے کر تلاشی آپریشن شروع کر دیا‘۔
فوج کاکہنا تھا”اس دوران مشکوک سر گری دیکھی گئی اور چیلنج کرنے پر دہشت گردوں نے اندھا دھند فائرنگ کی جس کے نتیجے میں طریفین کے درمیان تصادم چھڑ گیا“۔ان کا کہنا ہے کہ علاقے میں آپریشن ہنوز جاری ہے ۔
قابل ذکر ہے کہ یہ گذشتہ 48 گھنٹوں کے دوران جنوبی کشمیر میں ہونے والا دوسرا انکاونٹر ہے ۔قبل ازیں جنوبی کشمیر کے شوپیاں کے کیلر علاقے میں 13 مئی کو ایک انکاﺅنٹر کے دوران لشکر طیبہ سے وابستہ 3 دہشت گردمارے گئے تھے ۔