آسٹریلیا کی خاتون ٹیم نے انگلینڈ کو چار وکٹوں سے دی شکست

سڈنی// ایشلے گارڈنر کی آل راؤنڈ کارکردگی (تین وکٹ/42 ناٹ آؤٹ) اور کپتان ایلیسا ہیلی (70) کی شاندار اننگز کی بدولت آسٹریلیا کی خاتون ٹیم نے اتوار کو پہلے ون ڈے میں انگلینڈ کو چار وکٹوں سے شکست دے دی۔
انگلینڈ کے 204 رنوں کے جواب میں بیٹنگ کرتے ہوئے آسٹریلیا کی شروعات خراب رہی کیونکہ اس نے دوسرے ہی اوور میں فیبی لیچ فیلڈ (چار) کا وکٹ گنوا دیا۔ انہیں لارین فائلر نے آؤٹ کیا۔ اس کے بعد لارین بیل نے نویں اوور میں ایلیس پیری (14) کو ایل بی ڈبلیو آؤٹ کر کے آسٹریلیا کا دوسرا وکٹ حاصل کیا۔ بیتھ مونی (28) کو سوفی ایکلسٹون نے آؤٹ کیا۔ اینابیل سدرلینڈ (10) کو 32 ویں اوور میں شارلٹ ڈین نے ایک سرے پر کھڑی کپتان ایلیسا ہیلی کو بولڈ کرکے پویلین بھیج دیا۔ ہیلی نے 78 گیندوں پر 11 چوکوں سمیت 70 رنوں کی اننگز کھیلی۔ اس کے بعد چھٹے وکٹ کے طور پر تالیا میک گرا (دو) رن بناکر آؤٹ ہوئیں۔ ایشلے گارڈنر نے 44 گیندوں پر پانچ چوکوں اور ایک چھکے کی مدد سے ناٹ آؤٹ 42 رنز بنائے۔ الانا کنگ (11) ناٹ آؤٹ رہیں۔ آسٹریلیا نے شاندار بلے بازی کا مظاہرہ کرتے ہوئے 38.5 اوورز میں چھ وکٹوں پر 206 رنز بنائے اور میچ سات وکٹوں سے جیت لیا۔
انگلینڈ کی جانب سے لارین فائلر اور سوفی ایکلسٹن نے دو دو وکٹ حاصل کئے۔ لارین بیل اور شارلٹ ڈین نے ایک ایک بلے باز کو آؤٹ کیا۔
اس سے قبل آج آسٹریلیا کی خاتون ٹیم نے ٹاس جیت کر پہلے بیٹنگ کا فیصلہ کیا۔ بلے بازی کا انتخاب کرتے ہوئے، انگلینڈ کی شروعات اچھی نہیں رہی اور اس نے چوتھے اوور میں مایا بوچیر (نو) کا وکٹ گنوا دیا۔ اس کے بعد کپتان ہیدر نائٹ بیٹنگ کے لیے آئیں اور ٹیمی بیومونٹ کے ساتھ مل کر اننگز کو سنبھالنے کی کوشش کی۔ دونوں بلے بازوں کے درمیان دوسرے وکٹ کے لیے 50 رنز کی شراکت داری ہوئی۔ سدرلینڈ نے ٹیمی بیومونٹ (13) کو آؤٹ کر کے شراکت داری توڑ دی۔ نیٹ برنٹ (19)، ہیدر نائٹ (39)، ڈینیئل وائٹ (38)، ایمی جونز (31) اور سوفی ایکلیسٹون (18) رن بناکر آؤٹ ہوئیں۔ آسٹریلیائی بالنگ اٹیک کے سامنے انگلینڈ کی پوری ٹیم 43.1 اوورز میں 204 کے اسکور پر ڈھیر ہو گئی۔
آسٹریلیا کی جانب سے ایشلے گارڈنر نے تین وکٹ حاصل کئے۔ کم گارتھ، اینابیل سدرلینڈ اور الانا کنگ نے دو دو وکٹ حاصل کئے۔ ڈارسی براؤن نے ایک بلے باز کو آؤٹ کیا۔