پلوامہ تصادم:ایک عدم شناخت جنگجو ہلاک، آپریشن جاری

سرینگر/۱۵مارچ
جنوبی کشمیر کے ضلع پلوامہ کے اونتی پورہ علاقے میں سیکورٹی فورسز اور جنگجوؤں کے درمیان تصادم آرائی میں ایک جنگجو مارا گیا جبکہ آپریشن ہنوز جاری ہے ۔
ایک پولیس ترجمان نے کہا کہ اونتی پورہ کے چارسو علاقے میں تصادم آرائی کے درمیان ایک جنگجو مارا گیا جس کی شناخت ابھی معلوم نہیں ہوسکی ہے ۔انہوں نے کہا کہ علاقے میں تلاشی آپریشن ینوز جاری ہے ۔
قبل ازیں ذرائع نے بتایا کہ جنگجوؤں کے چھپنے کی اطلاع موصول ہونے پر سیکورٹی فورسز نے چارسو علاقے کو محاصرے میں لے کر تلاشی آپریشن شروع کر دیا۔
انہوں نے کہا کہ جوں ہی تلاشی آپریشن کی ایک ٹیم ایک مشکوک مقام کے نزدیک پہنچی تو وہاں چھپے جنگجوؤں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔