پی ڈی پی نے بڈگام اسمبلی سیٹ پر عمر عبداللہ کی حمایت پر سوال اٹھایا

سرینگر/21 ستمبر
پیپلز ڈیموکریٹک پارٹی (پی ڈی پی) نے بڈگام اسمبلی سیٹ پر نیشنل کانفرنس (این سی) کے نائب صدر عمر عبداللہ کی حمایت پر سوال اٹھاتے ہوئے ہفتہ کو کہا کہ کشمیر شفافیت کا مستحق ہے نہ کہ بیک ڈور ڈیل کا۔
پی ڈی پی کے ترجمان موہت بھان نے ایکس پر ایک پوسٹ میں کہا کہ کشمیر شفافیت کا مستحق ہے، بیک ڈور سودے نہیں۔”بی جے پی کی بی ٹیم کے اہم رکن نے باضابطہ طور پر بڈگام میں عمر عبداللہ کی حمایت کا اعلان کیا ہے۔ میں موجودہ رکن پارلیمنٹ روح اللہ آغا سے درخواست کرتا ہوں کہ وہ اپنے آبائی علاقے میں بی جے پی کے ساتھ اتحاد کے بارے میں اپنا موقف واضح کریں“۔
ان کا یہ تبصرہ بڈگام سے اپنی پارٹی کے رہنما منتظر محی الدین کی جانب سے عبداللہ کی حمایت کے اعلان کے بعد سامنے آیا ہے جو بڈگام اور گاندربل دونوں سے اسمبلی انتخابات لڑ رہے ہیں۔
محی الدین نے جمعہ کو کہا کہ جموں و کشمیر کے لوگوں سے ان کے حقوق چھین لئے گئے ہیں اور ایک ایسے لیڈر کا انتخاب کرنا بہت ضروری ہے جو ان کے مفادات کے لئے لڑ سکے۔
محی الدین نے اس سے قبل اس حلقے سے اپنے کاغذات نامزدگی واپس لے لیے تھے۔
انہوں نے کہا کہ دوستوں اور خیر خواہوں سے مشاورت کے بعد میں نے عمر عبداللہ کے حق میں اپنا کاغذات نامزدگی واپس لے لیا۔ میرے دوستوں نے متفقہ طور پر اتفاق کیا کہ جموں و کشمیر کے سابق وزیر اعلی کی حمایت کرنا صحیح فیصلہ ہے۔
عمرعبداللہ نے اس اعلان کا خیر مقدم کیا ہے اور کہا ہے کہ ان کی حمایت سے ان کی مہم کو تقویت ملے گی۔ (ایجنسیاں)