پہلا مرحلہ:۳بجے تک مجموعی طور پر 50.65 فیصد ووٹنگ ریکارڈ

سرینگر/۱۸ستمبر
جموں کشمیر میں اسمبلی انتخابات کے پہلے مرحلے کےلئے 24 نشستوں کی پولنگ پُر امن طریقے سے جاری ہے ۔
سرکاری اعداد و شمار کے مطابق دن کے 3 بجے تک مجموعی طور پر50.65 فیصد ووٹنگ درج ہوئی ہے ۔ سب سے زیادہ 72.20 فیصد پولنگ اندر وال نشست جبکہ سب سے کم 32.87 فیصد ترال سیٹ پر ریکارڈ ہوئی ہے ۔
بتادیں کہ جموں و کشمیر میں ایک دہائی کے طویل عرصے کے بعد منعقد ہونے والے اسمبلی انتخابات کے پہلے مرحلے کے لئے بدھ کی صبح 24 حلقوں کے لئے پولنگ شروع ہوئی۔
اس مرحلے کے لئے زائد از 23 لاکھ ووٹر حق رائے دہی کے اہل ہیں جبکہ 219 امید وار قسمت آزمائی کر رہے ہیں۔
حکام نے پُر امن اور ہموار پولنگ کے انعقاد کو یقینی بنانے کے لئے وسیع پیمانے پر سیکورٹی و دیگر انتظامات کئے گئے ہیں۔