ہندوستانی فٹ بال کو بہتر بنانا ہم سب کا فرض- کوئل

کوچی// انڈین سپر لیگ (آئی ایس ایل) میں چنئیین ایف سی کے ہیڈ کوچ اوون کوئل نے جمعہ کو کہا کہ ہندوستانی فٹ بال کو بہتر بنانا ہم سب کا فرض ہے۔
کوئل نے آئی ایس ایل 2024-25 میڈیا ڈے کے دوسرے حصے میں یہ بات کہی۔ میڈیا ڈے کا دوسرے حصہ بنگلورو ایف سی، حیدرآباد ایف سی، ایف سی گوا اور چنئیین ایف سی جیسے سابق چیمپین کے نمائندوں کے ساتھ ساتھ موجودہ آئی ایس ایل کپ فاتحین کے ساتھ اختتام پذیر ہوا۔ ممبئی سٹی ایف سی اور ہوم ٹیم کیرالہ بلاسٹرس ایف سی آج کوچی میں آئندہ سیزن کے بارے میں بات چیت کر رہے ہیں۔
کوئل نے کہا، ’’ہندوستانی فٹ بال کو بہتر بنانا ہم سب کا فرض ہے۔ ہم سب چاہتے ہیں کہ انڈین سپر لیگ کا بہت چرچا ہو۔ اب جب میرا اچھا دوست منولو (مارکیز) ہندوستانی ٹیم کے ساتھ ہے توامید ہے کہ قومی ٹیم بھی فیفا رینکنگ میں اوپر جانا شروع کر دے گی۔ مجھے نہیں لگتا کہ یہ بہت دور کی بات ہے کہ ہم 8-10 برسوں میں فیفا ورلڈ کپ کے لیے کوالیفائی کرنے کے لیے کام کر سکیں گے۔ ہندوستان میں حقیقی صلاحیت موجود ہے۔
اس موقع پر بات کرتے ہوئے کیرالہ بلاسٹرز ایف سی کے ہیڈ کوچ میکیل سٹاہرے نے کہا، ’’کیرالہ بلاسٹرز ایف سی ایک بڑا کلب ہے اس کے بہت بڑے مداح ہیں جو ہر میچ میں اسٹیڈیم کو مکمل طور پر بھر دیتے ہیں، جو میرے یہاں آنے کی ایک وجہ ہے۔ ہم نے تھائی لینڈ میں بہترین سہولیات میں ایک ماہ تک تربیت حاصل کی اور میں اس سے بہت خوش ہوں۔ "لوگ پہلے سیکنڈ سے انتہائی پرعزم رہے ہیں، یہ ان کھلاڑیوں کا ایک بڑا گروپ ہے جو خود کو ترقی دینے کے خواہاں ہیں۔”
آئی ایس ایل 2024-25 سیزن 13 ستمبر سے شروع ہوگا۔