بیجنگ//
چین میں پولیس نے ٹیلی کام فراڈ تنظیموں کی مدد کرنے کے الزام میں ملک گیر آپریشن کے تحت 3350سے زیادہ لوگوں کو حراست میں لیا ہے۔
یہ اطلاع ہفتہ کو پبلک سیکورٹی کی وزارت نے دی۔وزارت نے آج ایک پریس ریلیز میں کہا کہ 106 مجرمانہ گروہوں کے مشتبہ ارکان نے مبینہ طور پر جعلی ویب سائٹ ایڈریس، کیو آر کوڈز اور فحش معلومات والے کارڈ پرنٹ کیے اور متاثرین کو دھوکہ دہی کے منصوبوں میں راغب کرنے کے لیے انہیں عوامی مقامات پر پوسٹ کیا۔بیان میں کہا گیا ہے کہ مہم نے ٹیلی کام فراڈ تنظیموں کے ابھرتے ہوئے مسئلے کا جواب دیا، جو جھوٹی معلومات فراہم کرنے اور متاثرین کو آف لائن لالچ دینے کے لیے سہولت کاروں کی خدمات حاصل کر رہے ہیں۔
اس طرح کی مجرمانہ سرگرمیاں آن لائن کی جاتی تھیں، لیکن سائبر اسپیس میں پولیس کی کارروائی سے مؤثر طریقے سے ان پر روک لگائی گئی۔
وزارت نے کہا کہ ٹیلی کام فراڈ سمیت لوگوں کے احساس تحفظ کو مجروح کرنے والی سرگرمیوں کے خلاف کریک ڈاؤن کرنے کی ملک گیر مہم جاری رہے گی۔