پہاڑی علاقوں میں برف باری‘میدانی علاقوں میں بارشوں کا سلسلہ جاری

سرینگر//
محکمہ موسمیات کی پیش گوئی کے عین مطابق وادی کشمیر کے بالائی علاقوں میں تازہ برف بری جبکہ میدانی علاقوں میں موسلا دھار بارشوں کا سلسلہ جاری ہے ۔
اطلاعات کے مطابق سیاحتی مقام گلمرگ کے بالائی علاقوں، سونہ مرگ، گریز، بانڈی پورہ کے پہاڑی علاقوں میں تازہ برف باری ہوئی ہے ۔
متعلقہ محکمے کے ایک ترجمان نے بتایا کہ سرینگر میں گذشتہ چوبیس گھنٹوں کے دوران۰ء۱۵ملی میٹر بارش ریکارڈ ہوئی ہے جبکہ قاضی گند میں اس دوران۲ء۱۵ملی میٹر، پہلگام میں۴ء۳۲ملی میٹر‘ کپوارہ میں۶ء۱۱ملی میٹر اور گلمرگ میں۲ء۸ملی میٹر ریکارڈ ہوئی ہے ۔
ترجمان نے کہا کہ وادی میں۱۴؍اور۱۵؍اپریل کو میدانی علاقوں میں گرج چمک کے ساتھ درمیانی درجے کی بارشیں جبکہ پہاڑی علاقوں میں برف باری کا امکان ہے ۔
ان کا کہنا تھا کہ وادی میں۱۶؍اور۱۷؍اپریل کو بھی کہیں کہیں ہلکی بارشوں کا امکان ہے ۔
ترجمان نے کہا کہ وادی میں۱۸؍اور۱۹؍اپریل کو بھی کئی مقامات پر بارشیں ہوسکتی ہیں۔انہوں نے کہا کہ بعد ازاں وادی میں۲۰سے ۲۴؍اپریل تک موسم ابر آلود رہ سکتا ہے ۔
محکمے نے ایڈوائزری جاری کرتے ہوئے کسانوں سے۱۶؍اپریل تک اپنے باغوں اور کھیت کھلیانوں میں آپریشنز معطل رکھنے کو کہا ہے ۔انہوں نے کہا کہ وادی کے پہاڑی علاقوں میں۱۴؍اور۱۵کہیں کہیں زمینی ٹرانسپورٹ متاثر رہ سکتا ہے اور اس دوراب بعض مقامات پر مٹی کے تودے اور چٹانیں کھسک آنے کا امکان ہے ۔
دریں اثنا وادی کشمیر میں شبانہ درجہ حرارت میں کہیں گراوٹ تو کہیں اضافہ درج ہوا ہے ۔
گرمائی دارلحکومت سری نگر میں کم سے کم درجہ حرارت۰ء۱۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۱۰ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۴ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۲ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۷ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۳ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۹ء۸ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۰ء۹ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۴ء۹ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۷ڈگری سینٹی گریڈ ریکارڈ ہوا تھا۔