دلی کی تمام طاقتیں این سی کو ہرانے میں لگی ہیں:عمر

سرینگر//
نیشنل کانفرنس کے نائب صدر اور سابق وزیر اعلیٰ‘ عمر عبداللہ کا کہنا ہے کہ دلی کی تمام طاقتیں نیشنل کانفرنس کو لوک سبھا انتخابات میں شکست دینے کیلئے اپنی پوری طاقت کا استعمال کر رہی ہیں۔
عمر نے کہا کہ گذشتہ انتخابات میں ملی ٹنسی کو نیشنل کانفرنس کے خلاف استعمال کیا گیا۔
سابق وزیر اعلیٰ نے ان باتوں کا اظہار بدھ کے روز یہاں نامہ نگاروں کے ساتھ بات کرنے کے دوران کیا۔
این سی نائب صدر نے کہا’’کوئی الیکشن آسان نہیں ہوتا ہے مختلف اانتخابات میں الگ الگ صورتحال ہوتی ہے اور اس بار دلی کی تمام طاقتیں ہمیں ہرانے میں لگی ہوئی ہیں‘‘۔
عمر کا کہنا تھا’’پچھلے انتخابات میں بندوق کا استعمال ہوا تھا ملی ٹنسی کا سب سے بڑا نشانہ نیشنل کانفرنس تھی‘‘۔انہوں نے کہا کہ نیشنل کانفرنس نے انتہائی مشکل حالات میں الیکشن لڑے ہیں۔
سابق وزیر اعلیٰ نے کہا کہ الیکشن کمیشن جتنی جلدی الیکشن کا اعلان کرے گا اتنا اچھا ہے ہم اس امتحان کے لئے تیار ہیں اور ہم امید کرتے ہیں کہ لوگ ہمارے ساتھ دیں گے ۔
ایک سوال کے جواب میں ان کا کہنا تھا’’شیر کشمیر کو ہرانے کیلئے سب مل گئے تھے آج بھی جو چاہئے وہ اے ٹیم ہو بی ٹیم ہو وہ مل سکتے ہیں۔‘‘