ٹیرر کیس ۲ملزموں کے خلاف چارج شیٹ دائر کی

سرینگر//
سٹیٹ انوسٹی گیشن یونٹ (ایس آئی یو) سرینگر نے یہاں این آئی اے کی ایک عدالت میں ایک مفرور ملی ٹنٹ سمیت دو ملزموں کے خلاف چارج شیٹ دائر کی۔
یونٹ کے ایک ترجمان نے اپنے ایک بیان میں کہا’’آج این آئی اے سری نگر کی عدالت میں پولیس اسٹیشن کوٹھی باغ میں درج ایف آئی آر زیر نمبر۲۰۲۳/۳۷ میں یو اے (پی) کی متعلقہ دفعات کے تحت دو ملزموں کے خلاف ایک چارج شیٹ دائر کی گئی‘‘۔
ترجمان نے بیان میں کہا کہ یہ چارج شیٹ محمد رنگریز ولد عبدالرشید رنگریز (دہشت گرد معاون) ساکن فرودس کالونی بٹہ مالو جو اس وقت سینٹرل جیل سری نگر میں جوڈیشل ریمانڈ ہیں اور مومن گلزار میر ولد گلزار احمد میر ساکن عید گاہ سری نگر، جو فعال مفرور اے زمرے کا دہشت گرد ہے ، کے خلاف دائر کی گئی ہے ۔
ترجمان نے کہا’’معزز عدالت سے التجا ہے کہ وہ سی آر پی سی کے سیکشن۲۹۹کے تحت اس کا نوٹس لیں‘‘۔انہوں نے کہا کہ اس کیس کی اگلی سماعت کی تاریخ۱۶مارچ ۲۰۲۴مقرر کی گئی ہے ۔