روس کی طرف سے یوکرین میں استعمال کردہ بیلسٹک میزائلوں کے 75فیصد پرزے امریکی ساختہ ہیں

ماسکو//
دعوی کیا گیا ہے کہ روس کی طرف سے گزشتہ ماہ یوکرین کے خلاف استعمال کردہ شمالی کوریا کے بیلسٹک میزائل میں امریکی اور یورپی کمپنیوں کے پرزے موجود تھے۔
امریکی سی این این کی خبر کے مطابق تصادم و اسلحہ سازی تحقیقاتی تنظیم نے روس کی جانب سے یوکرین کے شہر خرکیف میں داغے گئے شمالی کوریا ساختہ بیلسٹک میزائل کے 290 ٹکڑوں کا جائزہ لیا۔
تصادم و اسلحہ سازی تحقیقاتی تنظیم کی رپورٹ میں دعوی کیا گیا ہے کہ مذکورہ بیلسٹک میزائل کے پرزوں کے 75 فیصد کی ڈیزائننگ امریکی فرموں نے کی ہے تو 16 فیصد کا تعلق یورپی فرموں جبکہ 9 فیصد کا تعلق ایشیائی فرموں سے ہے۔
صدر جو بائیڈن کی انتظامیہ نے 2022 میں ایران جیسے ممالک کو مغربی ساختہ ٹیکنالوجی تک رسائی سے روکنے کے لیے کچھ برآمدی پابندیوں اور دیگر پابندیوں کا اعلان کیا تھا۔
گزشتہ سال CAR کی جانب سے شیئر کی گئی رپورٹ میں یہ دعویٰ کیا گیا تھا کہ روس کی طرف سے یوکرین کے خلاف استعمال کردہ ایرانی ساختہ ڈرونز کے 82 فیصد پرزے امریکی کمپنیوں کی پیداوار تھے۔