وادی کے کچھ بالائی علاقوں میں ہلکی برفباری ‘لوگوں میں خشی کی لہر

سرینگر//
محکمہ موسمیات کی پیش گوئی کے عین مطابق سیاحتی مقام گلمرگ، دودھ پتھری، سونہ مرگ کے علاوہ شوپیاں، گاندربل اور کپواڑہ اضلاع کے بالائی علاقوں میں بھی دوران شب ہلکی برف باری ہوئی ہے جبکہ اس دوران میدانی علاقوں میں ہلکی بارشیں ہوئی ہے۔
ہلکی برفباری ہونے سے خشک موسم کا خاتمہ ہوا۔ برفباری کے بعد درجہ حرارت میں قدرے بہتری آئی، جس سے نہ صرف عام لوگوں کو راحت ملی، بلکہ غیر ملکی سیاحوں کی تمنا بھی پوری ہو گئی۔
ادھر ضلع شوپیاں کے ہیرپوہ علاقے میں برفباری سے نہ صرف عام لوگوں کو راحت ملی بلکہ غیر ریاستی سیاحوں کی تمنا بھی پوری ہو گئی۔ ضلع کے ہیرپوہ علاقے میں ہوئی برفباری سے مقامی و غیر ریاستی سیاح کافی لطف اندوز ہوئے ہے۔غیر ریاستی سیاحوں کے مطابق برف دیکھ کو وہ بہت خوش ہوئے۔
سیاحوں کا کہنا ہے کہ سردیوں میں کشمیر آنا ایک الگ ہی مزا ہے۔ انہوں نے کہا کہ وہ بہت خوش ہوئے جب انہوں نے پہلی بار برف کو گرتے ہوئے دیکھا۔تازہ برف باری سے کسانوں نے کسی حد تک راحت کی سانس لی ہے اور یہ تمنا کررہے ہیں کہ میدانی علاقوں کے ساتھ ساتھ پہاڑی علاقوں میں بھی برفباری ہوئی۔
شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر تازہ برف باری کے پیش نظر ٹریفک کی نقل و حمل روک دی گئی ہے۔ٹریفک حکام نے بتایا کہ تاریخی مغل روڈ اور سرینگر ‘ لیہہ شاہراہ پر برف باری کے پیش نظر ٹریفک کی نقل و حمل بند کر دی گئی ہے۔تاہم وادی کو ملک کے باقی حصوں کے ساتھ جوڑنے والی سرینگر ، جموں قومی شاہراہ پر ٹریفک کی نقل و حمل حسب معمول جاری ہے۔
حکام نے سرینگرلیہہ قومی شاہراہ کے زوجیلا پاس پر تازہ برف باری کے بعد گاڑیوں کی آمدورفت کے لیے عارضی طور پر بند کر دیا گیا ہے۔ ٹریفک پولیس کے ایک اہلکار نے بتایا کہ سڑک پر پھسلن کو دیکھتے ہوئے اسے عارضی طور پر بند کر دیا گیا ہے۔
دریں اثنا، جموں و کشمیر ٹریفک پولیس کے ایک عہدیدار نے بتایا نے کہ سرنگر سونہ مرگ روڈ گاڑیوں کی نقل و حرکت کے لیے بند ہے۔ انہوں نے کہا کہ زوجیلا پاس میں تازہ برف باری کے پیش نظر سرینگر سونمرگ گمری شاہراہ کو گاڑیوں کی آمدورفت کے لیے بند کر دیا۔وہیں بیکن کے ایک عہدیدار نے بتایا کہ نے سرینگر لیہہ قومی شاہراہ پر برف ہٹانے کا کام شروع کیا گیا ہے۔ انہوں نے بتایا کہ اگر موسم ٹھیک رہا تو سرینگر،لیہہ شاہراہ کو پھر سے آمدورفت کے لیے کھول دیا جائے گا۔
محکمہ موسمیات کے ایک ترجمان نے بتایا کہ پیش گوئی کے عین مطابق وادی کے بعض پہاڑی علاقوں میں تازہ برف باری ہوئی۔انہوں نے کہا کہ وادی میں۲۶ جنوری کو موسم مجموعی طور پر ابر آلود رہنے کا امکان ہے۔انہوں نے کہا کہ وادی میں۲۷جنوری کو پہاڑی علاقوں میں کہیں کہیں ہلکی بارشوں یا برف باری ہوسکتی ہے۔
موصوف ترجمان کا کہنا تھا کہ بعد ازاں ۲۸سے۳۱جنوری تک کئی مقامات پر ہلکی سے درمیانی درجے کی بارشوں یا برف باری کا امکان ہے۔انہوں نے کہا کہ وادی میں یکم فروری سے۳فروری تک بھی کئی مقامات پر ہلکی سے درمیانی درجے کی بارشوں یا برف باری کا ہوسکتی ہے۔انہوں نے ایک ایڈوائزری جاری کرتے ہوئے کہا کہ اس موسمی صورتحال کے پیش نظر ۲۸سے۳۱ جنوری کے دوران پہاڑی علاقوں میں خاص طور پر سنتھن پاس، مغل روڈ، سادھنا ٹاپ، راز دان ٹاپ اور زوجیلا ٹاپ پر ٹریفک متاثر ہوسکتا ہے۔