وادی کشمیر میں گرم دن اور سرد راتیں: محکمہ موسمیات

سرینگر//
وادی کشمیر میں۲۴جنوری تک موسم کی کوئی خاص سرگرمی نہ ہونے کی وجہ سے موسم گرم اور سرد راتیں گزر رہی ہیں۔
سرینگر اور وادی کشمیر کے دیگر حصوں میں موسم گرما کی طرح کے حالات موجود ہیں اور لوگوں کو موسم سرما کے سخت ترین حصے ’چلہ کلان‘ کے دوران پارکوں اور مشہور ڈل جھیل کے کنارے دھوپ میں سیکتے ہوئے دیکھا گیا۔
محکمہ موسمیات سرینگر نے پیش گوئی کی ہے کہ موسم۲۴جنوری تک خشک رہے گا اور۱۶؍اور۲۰تاریخ کی شام کو کمزورمغربی ہواؤں کا امکان ہے۔
اس میں کہا گیا ہے کہ ان مغربی ہواؤںکے اثر سے موسم عام طور پر ابر آلود رہے گا اور جموں و کشمیر کے دور دراز وسط اور اونچے علاقوں میں ہلکی بارش / برفباری کا امکان ہے۔
محکمہ موسمیات نے کہا کہ مجموعی طور پر۲۴ جنوری تک کوئی اہم موسمی سرگرمی نہیں ہے۔مختلف ماڈلز کے اشارے کے مطابق ۲۵سے۲۷جنوری کے دوران مختلف مقامات پر ہلکی بارش یا برفباری کا امکان ہے۔
جنوبی کشمیر کے ضلع اننت ناگ میں واقع مشہور سیاحتی مقام پہلگام کی تاریخ میں پیر کے روز ماہ جنوری کا گرم ترین دن ریکارڈ ہوا ہے۔
ماہر موسمیات فیضان عارف کے مطابق سیاحتی مقام پہلگام میں پیر کے روز درجہ حرارت۱ء۱۴ڈگری سینٹی گریڈ ریکارڈ کیا گیا جو معمول سے۰ء۱۰ڈگری سینٹی گریڈ زیادہ ریکارڈ ہوا تھا۔انہوں نے کہا کہ یہ پہلگام کی تاریخ میں ماہ جنوری میں ریکارڈ ہونے والا سب سے زیادہ درجہ حرارت ہے۔ان کا کہنا تھا کہ پہلگام میں اتنا درجہ حرارت ماہ مارچ کے آخر میں درج ہوتا تھا۔
قبل ازیں پہلگام میں۱۴جنوری۲۰۱۸ کو درجہ حرارت۸ء۱۳ڈگری سینٹی گریڈ ریکارڈ ہوا تھا۔
دریں اثنا گرمائی دارلحکومت سری نگر میں کم سے کم درجہ حرارت منفی۴۳ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۴ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی۸ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۲ء۱ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۶ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۵ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۱ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۰ء۴ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۲ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی ۰ء۴ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۲ء۸ڈگری سینٹی گریڈ اور ضلع کرگل میں کم سے کم درجہ حرارت منفی۳ء۸ڈگری سینٹی گریڈ جبکہ قصبہ دراس میں کم سے کم درجہ حرارت منفی۱ء۱۲ڈگری سینٹی گریڈ ریکارڈ ہوا تھا۔