امریکہ، شدید برفباری، سمندری طوفانوں اور سیلاب سے روز مرہ کی زندگی متاثر

واشنگٹن//
ریاست ہائے متحدہ امریکہ کے مشرقی حصوں میں طوفان نے روز مرہ کی زندگی کو بری طرح متاثر کیا ہے تو شدید برف باری اور سیلاب کے پیش نظرانتباہ جاری کیے گئے ہیں۔
طوفان کی پیش گوئی کرنے والے مرکز کے بیان میں بتایا گیا ہے کہ ملک جنوب مشرقی ریاستوں فلوریڈا، جارجیا، شمالی اور جنوبی کیرولائنا میں تقریباً نوے لاکھ شہریوں کے مقیم ہونے والے خطے میں 12 سمندری طوفان پیدا ہوئے ہیں جن سے کافی وسیع پیمانے کا مالی نقصان ہوا ہے۔
بیان میں خبردار کیا گیا ہے کہ مشرقی ساحلی علاقوں میں بارش کا امکان ہے اور اٹلانٹا، واشنگٹن ڈی سی اور نیویارک جیسے گنجان آباد شہروں میں سیلاب آسکتا ہے۔
امریکہ بھر میں تقریباً 4 لاکھ مکانات اور دکانوں کی تیز ہواؤں کی وجہ سے بجلی منقطع ہے۔
ملک میں موسمی خرابی کے باعث 966 پروازیں منسوخ اور 5580 پروازیں تاخیر کا شکار ہوئیں۔
فلوریڈا میں، جہاں سمندری طوفان عام ہیں، گورنر رون ڈی سیٹنس نے "آندھی ، ژالہ باری اور اچانک سیلاب کے خطرے” کے پیش نظر ریاست کی 67 تحصیلوں میں سے 49 میں ہنگامی حالت کا اعلان کیا ہے۔
بتایا گیا ہے کہ ملک بھر میں نا مساعد موسمی حالات کی بنا پر تقریباً 4 کروڑ انسان متاثر ہو سکتے ہیں۔