ڈوڈہ میں وی ڈی جی کی پر اسرار حالت میں لاش بر آمد

جموں//
جموں کشمیر کے ضلع ڈوڈہ میں جمعہ کی صبح ایک ولیج ڈیفنس گارڈ (وی ڈی جی) کی پر اسرار حالت میں گولیوں سے زخمی لاش کو بر آمد کیا گیا۔
پولیس ذرائع نے بتایا کہ ڈوڈہ میں جمعہ کی صبح ایک وی ڈی جی کی پر اسرار حالت میں لاش بر آمد کی گئی۔انہوں نے کہا کہ لاش پر گولیوں کے نشان تھے اور لاش کے نزدیک اس کی رائفل بھی بر آمد کی گئی۔
وی ڈی جی کی شناخت بلونت سنگھ ساکن کھارنگل گنڈوہ کے بطور ہوئی ہے ۔
پولیس ذرائع نے بتایا کہ وی ڈی جی کی لاش کو قانونی و طبی لوازمات کی ادائیگی کے لئے ہسپتال منتقل کیا گیا ہے ۔انہوں نے کہا کہ اس ضمن میں ایک کیس درج کرکے تحقیقات شروع کی گئی ہے۔