قنوج:مجرمین کی فائرنگ میں پولیس اہلکار کی موت، 2گرفتار

قنوج// ترپردیش کے ضلع قنوج کے وشنو گڑھ علاقے میں ملزم کو گرفتار کرنے پہنچی پولیس ٹیم پر بدمعاشوں کی جانب سے کی گئی فائرنگ میں ایک پولیس اہلکار کی موت ہوگئی۔
پولیس ذرائع نے بتایا کہ یہ واقعہ دھرمی دھیر پور گاؤں میں پیش آیا۔جہاں تھانہ اچنارج پارول چودھری کی قیادت میں پولیس ٹیم ہسٹری شیٹر اشوک یادو عرف منا کو پیر کی رات گرفتار کرنے گئی تھی۔جیسے ہی اشوک کو پولیس کی اطلاع ملی اس نے ٹیم پر فائرنگ کردی جس میں سچن راٹھی زخمی ہوگئے ۔
پولیس ذرائع نے بتایا کہ جوابی فائرنگ میں اشوک اور اس کے بیٹے کو اس وقت گرفتار کرلیا گیا جب وہ فرار ہونے کی کوشش کررہے تھے ۔دونوں ملزمین کے پیر میں گولی لگی ہے ۔پولیس ذرائع نے بتایا کہ سچن کو اسپتال میں داخل کرایا گیا جہاں سے انہیں بہتر علاج کے لئے ہائر سنٹر ریفر کردیا گیا۔دوران علاج سچن زخموں کی تاب نہ لاس کے اور ان کی موت ہوگئی۔