بڈگام کے بیروہ علاقے میں نوجوان کی لاش بر آمد

سرینگر/۲۰نومبر
وسطی ضلع بڈگام کے قصبہ بیروہ کے سیل علاقے میں پیر کی صبح اس وقت ہر سو سراسیمگی پھیل گئی جب گھر سے باہر ایک نوجوان کی لاش بر آمد کی گئی۔
ذرائع نے بتایا کہ بیروہ کے سیل علاقے میں پیر کی صبح مقامی لوگوں نے ایک درخت کے پاس ایک نوجوان کی لاش دیکھی جس کے متعلق انہوں نے پولیس کو مطلع کیا۔
ذرائع نے کہا کہ اطلاع موصول ہونے کے بعد پولیس کی ایک ٹیم جائے واردات پر پہنچ گئی اور لاش کو قانونی و طبی لوازمات کی ادائیگی کے لئے اپنی تحویل میں لے لیا۔
متوفی نوجوان کی شناخت سمیر احمد ولد عبدالحمید ساکن سیل بیروہ کے بطور ہوئی ہے ۔