ودی نے دیوالی پرعوام سے ‘ ووکل فار لوکل ‘ بننے کی اپیل کی

نئی دہلی// وزیر اعظم نریندر مودی نے عوام سے درخواست کی ہے کہ وہ مقامی ٹیلنٹ کی حوصلہ افزائی کے لیے ڈیجیٹل میڈیا کا استعمال کریں اور ہندوستان کی کاروباری صلاحیت اور تخلیقی طاقت کا جشن منائیں۔
مسٹر مودی نے بدھ کو سوشل میڈیا نیٹ ورک ‘X’ پر ایک لنک بھی شیئر کیا۔ انہوں نے کہا ہے کہ جس کے ذریعے لوگ ‘NaMo’ ایپ پر مقامی مصنوعات یا اس کے مینوفیکچرر کے ساتھ سیلفیز پوسٹ کر سکتے ہیں۔
مسٹر مودی نے ٹوئٹر پر لکھاآئیے ہم ‘ ‘اس دیوالی ’’ پر نمو ایپ پر ‘ووکل فار لوکل’ تھریڈ کے ساتھ ہندوستان کے کاروباری اور تخلیقی جذبے کا جشن منائیں۔ ,
وزیر اعظم نے اسی پوسٹ میں لکھا ہے "آئیے مقامی طور پر تیار کردہ مصنوعات خریدیں اور پھر نمو ایپ پر اس پروڈکٹ یا اس کے مینوفیکچرر کے ساتھ سیلفی پوسٹ کریں۔ اپنے دوستوں اور خاندان والوں کو اپنے تھریڈ میں شامل ہونے اور مثبت جذبے کو پھیلانے کی دعوت دیں۔
آئیے ہم مقامی ٹیلنٹ کو سپورٹ کرنے ، ساتھی ہندوستانیوں کی تخلیقی صلاحیتوں کو متاثر کرنے اور اپنی روایات کو بھرپور رکھنے کے لیے ڈیجیٹل میڈیا کی طاقت کا استعمال کریں۔
قابل ذکر ہے کہ مودی حکومت چھوٹے کاروباری اداروں اور مقامی پروڈیوسروں کی مصنوعات کی حوصلہ افزائی کے لیے ایک مہم شروع کر رہی ہے تاکہ روزگار اور آمدنی کے مواقع میں اضافہ ہو سکے ۔ ‘ووکل فار لوکل’ اور ‘ون ڈسٹرکٹ، ون پروڈکٹ’ جیسے پروگرام اس کا حصہ ہیں۔