بنگلادیش کو شکست، ورلڈ کپ میں بھارت کی مسلسل چوتھی فتح

پونے//
آئی سی سی ورلڈ کپ میں بھارت نے بنگلادیش کو ہراکر مسلسل چوتھا میچ جیت لیا۔
پونے میں کھیلے گئے آئی سی سی ورلڈ کپ کے 17 ویں میچ میں بنگلا دیش کا 257 رنز کا ہدف بھارت نے 42 ویں اوور میں تین وکٹوں کے نقصان پر بنالیا۔ ویرات کوہلی 103 رنز اور کے ایل راہول 34 رنز کے ساتھ ناٹ آؤٹ رہے۔
بنگلا دیش کیخلاف میچ میں کامیابی کے بعد پوائنٹس ٹیبل میں بھارت 8 پوائنٹس اور 1659 رن ریٹ کے ساتھ دوسری پوزیشن پر
بھارت کی پہلی وکٹ 13 ویں اوور میں 88 کے مجموعی اسکور پر گری۔ روہت شرما 48 رنز بناکر حسن محمود کی گیند پر توحید ہردوئے کے ہاتھوں کیچ آؤٹ ہوگئے۔
بیسویں اوور میں 132 کے مجموعی اسکور پر شبمن گل 53 رنز بناکر پویلین لوٹ گئے۔ 30 ویں اوور میں 178 کے مجموعی اسکور پر شیریاس ائیربھی 19 رنز بناکر آوٹ ہوگئے۔ دونوں مہدی حسن میراز کی گیند پر محمود اللہ کے ہاتھوں کیچ آؤٹ ہوئے۔
بنگلا دیش نے بھارت کو جیت کیلیے 257 رنز کا ہدف دیا ہے۔ پونے کرکٹ اسٹیڈیم میں کھیلے جارہے میچ میں بنگلادیشی ٹیم نے مقررہ 50 اوورز میں آٹھ وکٹوں کے نقصان پر 256 رنز بنائے تھے۔
اوپنرز تنزید حسن اور لٹن داس نے 93 رنز کا شاندار آغاز فراہم کیا تاہم تنزید 51 رنز بناکر پویلین لوٹ گئے۔ کپتان نجم الحسن 17 گیندوں پر محض 8، مہدی حسن 3، توحید ہردوئے 16، مشفق الرحیم 36 رنز کے مہمان ثابت ہوئے۔ لٹن داس سب سے زیادہ 66 رنز بناکر آؤٹ ہوئے۔
بعد ازاں مشفیق الرحیم 201 رنز پر 38 رنز کی اننگز کھیل پر پویلین روانہ ہوئے، پھر نسیم احمد 14 اور محمود اللہ 46 رنز بنا کر آؤٹ ہوئے۔
بنگلا دیش کی ٹیم نے مقررہ پچاس اوورز میں 8 وکٹوں کے نقصان پر 256 رنز بنائے، لٹن داس 66 ، تنزید 51 اور محمود اللہ 46 رنز کی اننگز کھیل پر نمایاں بلے باز رہے، بھارت کے بولر بمرا، محمد سراج اور جدیجا نے دو دو جبکہ شردول ٹھاکر اور کلدیپ نے ایک ایک وکٹ حاصل کی۔
بھارت کی جانب سے رویندرا جڈیجا نے 2 جبکہ محمد سراج، جسپریت بمراہ، شاردل ٹھاکر اور کلدیپ یادیو نے ایک ایک وکٹ حاصل کی۔
میچ کے دوران ہاردک پانڈیا بالنگ کرواتے ہوئے انجری کا شکار ہوکر میدان سے باہر چلے گئے۔
قبل ازیں بنگلادیشی ٹیم کے کپتان نجم الحسن شنتو نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ شکیب الحسن کو آرام کروایا گیا ہے انکی جگہ نسوم احمد پلئینگ الیون کا حصہ ہیں۔
اس موقع پر بھارتی کپتان روہت شرما نے کہا کہ کوشش ہوگی میچ میں کامیابی سمیٹ کر جیت کے تسلسل کو برقرار رکھیں۔