آسٹریلیا: جنگلات میں لگی آگ پر قابو پانے کی کوششیں، 1 شخص ہلاک

نیو ساوتھ ویلز//
آسٹریلیا کی ریاست نیو ساوتھ ویلز کے جنگلات میں گزشتہ شب سے لگی آگ پر قابو نہ پایا جا سکا، آگ کی لپیٹ میں آ کر ایک شخص ہلاک ہو گیا۔
غیر ملکی خبر ایجنسی کے مطابق سیکڑوں فائر فائٹرز کی جانب سے نیو ساوتھ ویلز کے جنگلات میں لگی آگ پر قابو پانے کی کوششیں کی جاری رہی ہیں۔
میڈیا رپورٹس کے مطابق پولیس کا کہنا ہے کہ سڈنی کے شمال میں آگ کی لپیٹ میں آنے والے علاقے سے ایک شخص کی لاش ملی ہے جو گزشتہ شب لاپتہ ہوا تھا۔
غیر ملکی خبر ایجنسی کے مطابق آگ کے باعث 10 ہزار ہیکٹر اراضی جل کر راکھ ہو گئی جبکہ آگ کے راستے میں موجود درجنوں گھروں کو لاحق خطرہ برقرار ہے۔