احمد آباد میں میچ کے لیے ہم تیار ہیں، رضوان

احمد آباد//
وکٹ کیپر بیٹر محمد رضوان کا کہنا ہے کہ احمد آباد میں بھارت سے میچ کے لیے ہم تیار ہیں، امید ہے بھارت بھی تیار ہوگا۔
رضوان کا اپنے بیان میں کہنا تھا کہ ورلڈ کپ کے لیے بھارت آنے سے پہلے سابق کپتان سعید انور سے بات کی تھی۔
وکٹ کیپر بیٹر نے بتایا کہ سعید انور نے مشورہ دیا پچ کے بجائے اپنے پلان پر توجہ دیں۔
دوسری جانب اوپنر عبداللّٰہ شفیق نے کہا کہ دو وکٹیں گرنے کے بعد پریشر تھا، لیکن محمد رضوان نے پلان کیا کہ پارٹنر شپ لگانی ہے اور پھر اسی میں کامیابی ملی۔