آئی سی سی نے مینز کرکٹ ورلڈ کپ کے لیے میچ حکام کا اعلان کیا

دبئی/نئی دہلی//انٹرنیشنل کرکٹ کونسل (آئی سی سی) نے ہندوستان میں منعقد ہونے والے مینز کرکٹ ورلڈ کپ 2023 کے لیگ راؤنڈ کے لیے 20 میچ حکام کا اعلان کیا ہے۔
ٹورنامنٹ کے 13ویں ایڈیشن میں سولہ امپائرز فرائض انجام دیں گے، جن میں آئی سی سی کے ایمریٹس ایلیٹ پینل کے تمام 12 امپائروں اور آئی سی سی ایمرجنگ امپائر پینل کے چار ارکان شامل ہیں۔ جس میں کرس براؤن، کمار دھرم سینا، ماریس ایراسمس، کرس گیفنی، مائیکل گف، ایڈرین ہولڈ اسٹاک، رچرڈ ایلنگ ورتھ، رچرڈ کیٹلبرو، نتن مینن، احسان رضا، پال ریفل، شرف الدولہ ابن شید، راڈ ٹکر، ایلکس وارف، جوئل ولسن اور پال ولسن کے نام شامل ہیں۔
تجربہ کار امپائروں کی فہرست میں لارڈز میں آئی سی سی مینز کرکٹ ورلڈ کپ 2019 کے فائنل کے لیے مقرر کیے گئے چار امپائروں میں سے تین دھرم سینا، ایراسمس اور ٹکرشامل ہیں ۔ اس میں صرف علیم ڈار کا نام نہیں ہے جنہوں نے رواں سال مارچ میں ایلیٹ پینل سے استعفیٰ دے دیا تھا۔ ایمریٹس آئی سی سی ایلیٹ پینل آف میچ ریفریز کی نمائندگی سابق بین الاقوامی کرکٹروں جیف کرو، اینڈی پائکرافٹ، رچی رچرڈسن اور جواگال سری ناتھ کی ایک چوکڑی نے کی ہے۔
سری ناتھ 5 اکتوبر کو احمد آباد میں آخری مقابلے کے فائنلسٹ انگلینڈ اور نیوزی لینڈ کے درمیان ٹورنامنٹ کے افتتاحی میچ کی ذمہ داری سنبھالیں گے۔ مینن اور دھرم سینا مستقل امپائر ہوں گے، پال ولسن ٹی وی امپائر اور سیکت فورتھ امپائر کے فرائض انجام دیں گے۔