بچے کے ساتھ غیر فطری جنسی جرم‘امام مسجد گرفتار:پولیس

سرینگر///
پولیس نے سرینگر میں ایک نو سالہ بچے کے ساتھ غیر فطری جنسی جرم کے ارتکاب کے الزام میں ایک امام مسجد کو گرفتار کیا۔
پولیس نے گرفتار شدہ کی شناخت وسیم راجا ولد علی محمد ملا ساکن نور باغ کے بطور کی ہے ۔
سری نگر پولیس نے منگل کو ٹویٹ کرکے کہا’’وسیم راجا ولد علی محمد ملا ساکن نور باغ جو مسجد عائشہ ملکاگون میں امام کے طور کام کر رہا ہے ، کو ایک ۹سالہ بچے کے ساتھ غیر فطری جنسی جرم کے ارتکاب کے الزام میں گرفتار کیا گیا‘‘۔
پولیس نے کہا کہ اس سلسلے میں متعلقہ دفعات کے تحت پولیس اسٹیشن مہاراج گنج میں ایک کیس درج کیا گیا۔
ٹویٹ میں کہا گیا کہ ملزم کے خلاف تعزیرات ہند(آئی پی سی) کی دفعہ ۳۷۷؍اور جنسی جرائم سے بچوں کے تحفظ (پہ او سی ایس او) ایکٹ کی دفعہ۵؍اور۶کے تحت مقدمہ درج کیا گیا۔