وادی میںبارشوں کے بعد موسم خشک رہنے کی پیش گوئی

سرینگر//
کئی دنوں پر محیط بارشوں کے مرحلے ،جس سے وادی میں سیلابی صورتحال پیدا ہوئی، کے بعد محکمہ موسمیات نے وادی کشمیر میں موسم مجموعی طور پر خشک رہنے کی پیش گوئی کی ہے ۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے تاہم اس دوران شام کے وقت ہلکی بارشیں متوقع ہیں۔
ترجمان نے کہا کہ وادی میں۱۱سے ۱۴جولائی تک موسم مجموعی طور پر خشک رہ سکتا ہے اور اس دوران بارشوں کے مختصر مرحلے کو خارج از امکان قرار نہیں دیا جا سکتا۔
ان کا کہنا تھا کہ بعد ازاں وادی میں۱۵سے۲۴ جولائی تک ہلکی سے درمیانی درجے کی بارشوں کا امکان ہے جس کے۷۰فیصد امکانات ہیں۔
دریں اثنا خراب موسمی صورتحال کے بیچ وادی میں شبانہ درجہ حرارت معمول سے نیچے ریکارڈ ہوا ہے ۔
دارلحکومت سری نگر میں کم سے کم درجہ حرارت۲ء۱۷ڈگری سینٹی گریڈ ریکارڈ کیا گیا جو معمول سے۹ء۰ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت ۰ء۹ڈگری سینٹی گریڈ ریکارڈ کیا گیا جو معمول سے۸ء۲ڈگری سینٹی گریڈ کم ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۳ء۱۰ڈگری سینٹی گریڈ ریکارڈ کیا گیا جو معمول سے۷ء۱ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۱۵ڈگری سینٹی گریڈ ریکارڈ کیا گیا جو معمول سے ۴ء۱ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۵ء۱۴ڈگری سینٹی گریڈ ریکارڈ کیا گیا جو معمول سے۰ء۲ڈگری سینٹی گریڈ کم ریکارڈ ہوا تھا۔