پاکستان سے سرگرم۶ملی ٹینٹوںکے گھروں پر چھاپے

سرینگر//
پولیس کے اسپیشل انویسٹی گیشن یونٹ (ایس آئی یو) نے بدھ کے روز ضلع کشتواڑ میں متعدد مقامات پر پاکستان اور پاکستان کے زیر انتظام علاقوںسے سرگرم ملی ٹی نٹوں کے گھروں پر چھاپے مارے اور تلاشی لی ہے۔
تفصیلات کے مطابق کشتواڑ کے سینئر سپرنٹنڈنٹ آف پولیس (ایس ایس پی) خلیل پوسوال نے ایک مقامی خبر رساں ایجنسی کو بتایا کشتواڑ میں یو اے پی اے ایکٹ کے تحت درج ایف آئی آر نمبر۲۰۲۲/۲۷۲کے معاملے میں این آئی اے عدالت جموں سے گھر تلاشی کے وارنٹ جاری کی۔
دریں اثناء ایس ڈی پی اوز کی قیادت میں مختلف ٹیمیں تشکیل دی گئیں جن میں مجسٹریٹ بھی شامل تھے اور ٹیم کی طرف سے مناسب ایس او پیز کی پیروی کی گئی اور عسکریت پسند کے گھروں پر چھاپے مارے گئے جن کی شناخت ، منظور احمد عرف طاہر انقلابی ولدم علی محمد نائیک ساکن دواتر سنگھ پورہ، ) نذیر احمد عرف شاہین ولدمحمد اکبر شیخ ساکن بیگ پورہ سنگھ پورہ چھاترو۔،شبیر احمد عرف جنید ولدغلام محمد رشی ساکن سیوا چھاترو، محمد اقبال ریشی عرف مزمل انصاری ولد عبد الرشید ساکن ڈیلر چھاترو۔ محمد امین بھٹ ولدغلا م قادر بٹ ، محمد اقبال عرف بلال ولدمحمد اکبر بٹ ساکن نزد کچلو مارکیٹ کشتواڑ، حال عمر محلہ کشتواڑ جو اس وقت پاکستان اور پاکستان کے زیر انتظام کشمیرسے کام کر رہے ہیں، ان کے متعلقہ مکانات/رہائشی احاطے کی تلاشی لی۔
تلاشی کے دوران، اکٹھے کیے گئے شواہد کی چھان بین کی جائے گی تاکہ ملزمین کو ملک دشمن سرگرمیوں میں ملوث ہونے اور ملی ٹنسی کو دوام بخشنے کے لیے عدالتی فیصلہ کے تابع کیا جا سکے۔
ایس ایس پی کشتواڑ نے انکشاف کیا کہ ملی ٹنسی کے ان تمام حامیوں/ساتھیوں کے خلاف بھی کارروائی کی جائے گی جن کی تحقیقات کے دوران ملوث ہونے کا انکشاف ہوا ہے۔ ایس ایس پی کشتواڑ نے کہا کہ تلاشیوں کا مقصد مختلف اوور گراؤنڈ کارکنوں اور عسکریت پسندی کے حامیوں کی شناخت کرکے ضلع میں عسکریت پسندوں کے ماحولیاتی نظام کو ختم کرنا ہے۔