پیوٹن نے روسی جاسوس بھرتی کرنے کا نادر موقع فراہم کیا ہے

واشنگٹن//
امریکی سینٹرل انٹیلی جنس ایجنسی (سی آئی اے) کے ڈائریکٹر نے کہا ہےکہ پیوٹن نے امریکا کو روسی جاسوس بھرتی کرنے کا نادر موقع فراہم کیا، یہ موقع ضائع نہیں کریں گے۔
ڈائریکٹر سی آئی اے ولیم برنس نے کہا کہ روس میں ویگنر ملیشیا کی بغاوت نے یوکرین میں روس کی کمزوریوں کو واضح کردیا ہے، یوکرین جنگ میں روس کے اندر اختلافات موجود ہیں۔
انہوں نے کہا کہ پیوٹن کی جنگ کا منفی اثر روسی معاشرے اور حکومت میں نظر آرہا ہے، اس صورت حال نے سی آئی اے کو روسی جاسوس بھرتی کرنے کا سنہرا موقع فراہم کیا ہے، اس موقع کو ہاتھ سے جانے نہیں دیں گے۔
یاد رہے کہ روسی ملیشیا گروپ ویگنر کی بغاوت سے ایک روز قبل سی آئی اے ڈائریکٹر ولیم برنس یوکرین کا خفیہ دورہ کر چکے ہیں جہاں انہوں نے یوکرینی صدر سمیت انٹیلی جنس حکام سے ملاقاتیں کی اور روسی جارحیت کے خلاف یوکرین کی مدد کے امریکی عزم کی توثیق کی۔