یکم سے ۱۰ جولائی تک گرمائی تعطیلات کا اعلان

سرینگر/۲۴جون
محکمہ سکول ایجوکیشن نے ہفتہ کو یکم جولائی سے ۱۲ویں جماعت تک کے تمام سرکاری اور نجی تعلیمی اداروں میں گرمیوں کی تعطیلات کا اعلان کیا۔
اس سلسلے میں حکم نامہ ہفتہ کو ڈائریکٹر سکول ایجوکیشن کشمیر (ڈی ایس ای کے) نے جاری کیا۔
حکم نامے میں کہا گیا ہے کہ ”یہ حکم دیا جاتا ہے کہ کشمیر ڈویڑن میں ہائر سیکنڈری سطح تک کام کرنے والے تمام سرکاری تعلیمی ادارے اور نجی تسلیم شدہ اسکول یکم جولائی 2023 سے 10 جولائی تک موسم گرما کی تعطیلات منائیں گے۔“
گرمائی تعطیلات وادی میں غیر معمولی گرمی کے پیش نظر کی گئی ہیں ۔ہفتہ کو سرینگر میں زیادہ سے زیادہ درجہ حرارت 34.8ڈاگری سینٹی گریڈ درج کیا گیا جبکہ جمعہ کو پارہ35ڈگری سینٹی گریڈ تک پہنچ گیا۔