سرینگر/۲۳ جون
محکمہ موسمیات نے وادی کشمیر میں گرمی کا زور مزید بڑھنے کا امکان ظاہر کرتے ہوئے ‘زرد وارننگ’ جاری کی ہے ۔
موسمیات محکمے کے ایک ترجمان نے بتایا کہ وادی میں 24 جون تک گرمی کا زور بڑھنے کا امکان ہے تاہم اس دوران الگ الگ تھلگ مقامات پر 25 فیصد بارشیں بھی متوقع ہیں۔
ترجمان نے کہا کہ بعد ازاں وادی میں 25 سے 29 جون تک گرج چمک کے ساتھ بارشوں کا امکان ہے ۔
ادھر وادی کے شبانہ درجہ حرارت بھی مسلسل معمول سے زیادہ ریکارڈ ہو رہا ہے ۔
دار لحکومت سری نگر میں کم سے کم درجہ حرارت 21.0 ڈگری سینٹی گریڈ ریکارڈ کیا گیا جو معمول سے 5.2 ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت 15.4 ڈگری سینٹی گریڈ ریکارڈ کیا گیا جو معمول سے 5.2 ڈگری سینٹی گریڈ زیادہ ریکارڈ ہوا تھا۔ایک اورسیاحتی مقام پہلگام میں کم سے کم درجہ حرارت 10.6 ڈگری سینٹی گریڈ ریکارڈ کیا گیا جو معمول سے 1.5 ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت 17.8 ڈگری سینٹی گریڈ ریکارڈ کیا گیا جو معمول سے 3.7 ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت19.0 ڈگری سینٹی گریڈ ریکارڈ کیا گیا جو معمول سے 4.7 ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت8.8 ڈگری سینٹی گریڈ جبکہ ضلع کرگل میں کم سے کم درجہ حرارت16.5 ڈگری سینٹی گریڈ ریکارڈ ہوا ہے ۔
دریں اثنا وادی میں گرمی کا زور نے لوگوں کا حال بے حال کر دیا ہے ۔جھلسانے والی گرمی سے بچنے کے لئے لوگ سیاحتی مقامات کا رخ کر رہے ہیں۔
