’مودی کا کوئی متبادل نہیں ‘:’آئندہ سال لوک سبھا انتخابات میں ایک بار پھر منتخب ہوں گے‘

جموں/
اس بات پر زور دیتے ہوئے کہ ملک میں وزیر اعظم نریندر مودی کا کوئی متبادل نہیں ہے‘مرکزی وزیر مملکت برائے سیاحت‘ اجے بھٹ نے منگل کو جموں میں۲۰۲۴ کے عام انتخابات میں ان کے دوبارہ انتخاب کی پیش گوئی کی۔
بھٹ نے یہاں نامہ نگاروں کو بتایا’’ میں، ملک کے لوگ انہیں زبردست اکثریت کے ساتھ دوبارہ منتخب کریں گے اور انہیں دوبارہ ملک کی خدمت کرنے کی اجازت دیں گے‘‘۔
مرکزی وزیرنے حزب اختلاف کی جماعتوں کو بھی نشانہ بنایا، بشمول کانگریس، جو ان کے بقول ان کی ’ہٹ اینڈ رن حکمت عملی‘ تھی اور مسائل پر پارلیمانی بحث سے گریز کرتے تھے۔
مرکزی وزیرنے کہا کہ وزیر اعظم نریندر مودی کو بدنام کیا جا رہا ہے لیکن اس سے مودی جی زیادہ مضبوط ہو رہے ہیں۔انہوں نے کہا’’جب سرجیکل اسٹرائیک ہوئی تھی تو اس وقت جو زبان پاکستان بولتا تھا وہی اپوزیشن بھی بولتی تھی‘‘۔
وزیر نے آرٹیکل۳۷۰ کو ہٹانے کے فیصلے کی بھی ستائش کی، اور کہا کہ جموں و کشمیر میں زبردست ترقی ہو رہی ہے، اور اس اقدام کے ناقدین پر زور دیا کہ وہ خطے کا دورہ کریں اور’مثبت تبدیلیوں‘ کا خود مشاہدہ کریں۔
بھٹ کاکہنا تھا’’جب آرٹیکل۳۷۰کو منسوخ کیا گیا اور اپوزیشن میں بہت سے لوگوں نے کہا کہ خون کی ندیاں بہیں گی۔ تاہم جموں و کشمیر میں ایسا کچھ نہیں دیکھا گیا۔ ریاست اب ترقی کی راہ پر گامزن ہے۔ اب دوڑ ہر چیز میں سبقت حاصل کرنے کی ہے۔ یہاں منعقد ہونے والے جی ٹونٹی ایونٹ نے تبدیلی کو دکھایا ہے۔ اس افسانے کا پردہ فاش ہو گیا ہے اور جموں و کشمیر آگے بڑھ رہا ہے‘‘۔
بھٹ کاکہنا تھا’’تاجر خوش ہیں۔ کشتی والے خوش ہیں۔ ہوٹل گنجائش سے بھرے ہوئے ہیں۔ پری بکنگ کی وجہ سے لوگوں کو ہوٹل نہیں مل رہے ہیں۔ امن ہے‘‘۔ان کاکہنا تھا’’بچے ڈاکٹر اور انجینئر بننے کے خواہشمند ہیں۔ اعلیٰ مقاصد کے حصول کیلئے ان کے درمیان مقابلہ ہے۔ اب امن اور ترقی ہے‘‘۔
مرکزی وزیر نے کہا کہ آرٹیکل۳۷۰ کی تنسیخ کے بعد، جموں و کشمیر مضبوطی سے قومی دھارے میں شامل ہو گیا ہے، اور خطہ جمہوریت اور ترقی کے ثمرات کا تجربہ کر رہا ہے۔
بھٹ نے کہا کہ جی۲۰نے یہ ظاہر کیا ہے کہ جموں و کشمیر ترقی کی راہ پر گامزن ہے۔اپوزیشن پر طنز کرتے ہوئے اجے بھٹ نے کہا کہ مودی حکومت نے ریاست میں پرامن طریقے سے جی ۲۰ پروگرام کا انعقاد کرکے سب کو غلط ثابت کردیا ہے۔
مرکزی وزیر کاکہنا تھا کہ اس حکومت کی دہشت گردی کے خلاف زیرو ٹالرنس کی پالیسی ہے۔ انہوں نے کہا’’سب جانتے ہیں کہ حکومت کیسے کام کر رہی ہے۔ جموں اور کشمیر میں بھی حکومت ترقی کے لیے کام کر رہی ہے‘‘۔