نئی دہلی/۵جون
وزیر اعظم نریندر مودی نے پیر کو کہا کہ ہندوستان موجودہ ضروریات اور مستقبل کے وڑن کے درمیان توازن برقرار رکھتے ہوئے ماحولیاتی تحفظ اور موسمیاتی تبدیلی کے لیے ایک واضح روڈ میپ کے ساتھ آگے بڑھ رہا ہے۔
عالمی یوم ماحولیات کے موقع پر خطاب کرتے ہوئے، انہوں نے کہا کہ اگر ہندوستان نے اپنے 4G اور 5G ٹیلی کام نیٹ ورکس کو وسعت دی ہے، تو اس نے اپنے جنگلات کے احاطہ کو بھی برابری کی سطح پر بڑھایا ہے۔
مودی کاکہنا تھا”س سال کے عالمی یوم ماحولیات کا موضوع واحد استعمال پلاسٹک سے چھٹکارا حاصل کرنا ہے، ایک ایسا مسئلہ جس کے بارے میں آج دنیا بات کر رہی ہے لیکن ہندوستان پچھلے چار پانچ سالوں سے مسلسل اس پر کام کر رہا ہے“۔
وزیر اعظم نے کہا”۲۰۱۸ میں ہی، ہندوستان نے ایک بار استعمال ہونے والے پلاسٹک سے چھٹکارا پانے کے لیے دو سطحوں پر کام کرنا شروع کیا۔ ایک طرف، ہم نے سنگل یوز پلاسٹک پر پابندی لگا دی اور دوسری طرف پلاسٹک ویسٹ پروسیسنگ کو لازمی قرار دے دیا“۔
مودی نے کہا کہ ہندوستان اپنی ترقی کے لئے کسی بھی دوسرے علاقے کی طرح ماحولیات پر بڑے پیمانے پر توجہ دے رہا ہے۔انہوں نے کہا کہ ایک طرف ہم نے غریبوں کی مدد کی ہے اور دوسری طرف مستقبل کی ایندھن کی ضروریات کو مدنظر رکھتے ہوئے بڑے اقدامات بھی کیے ہیں۔
مودی نے کہا کہ پچھلے نو سالوں میں ہندوستان نے ‘سبز اور صاف توانائی’ پر بہت زیادہ توجہ مرکوز کی ہے۔ (ایج
نسیاں)
