جی ڈی پی کے اعداد و شمار معیشت کی صلاحیت کو ظاہر کرتے ہیں:مودی

نئی دہلی//
وزیر اعظم نریندر مودی نے مالی سال۲۳۔۲۰۲۲کیلئے مجموعی گھریلو پیداوار (جی ڈی پی) کے اعداد و شمار کا حوالہ دیتے ہوئے آج کہا کہ یہ اعداد و شمار عالمی چیلنجوں کے درمیان ہندوستانی معیشت کی صلاحیت کو ظاہر کرتے ہیں۔
مالی سال۲۳۔۲۰۲۲میں ہندوستانی معیشت کی ترقی کی شرح۲ء ۷فیصد رہی ہے ، جبکہ ریزرو بینک آف انڈیا نے اس کے سات فیصد رہنے کا تخمینہ لگایا تھا۔ اس کے ساتھ ہی عالمی مالیاتی فنڈ سمیت دنیا بھر کی ریٹنگ ایجنسیوں نے اسے سات فیصد سے کم کرنے کی بات کی تھی۔
مرکزی شماریات کے دفتر کی طرف سے جاری کردہ جی ڈی پی کے اعداد و شمار پر اطمینان کا اظہار کرتے ہوئے مسٹرمودی نے کہا کہ اس بہتر کارکردگی کے ساتھ ساتھ مجموعی طور پر پر امید ماحول اور میکرو اکانومی کے آثار ہماری معیشت کی صلاحیت اور لوگوں کی صلاحیت کو ظاہر کرتے ہیں۔
دریں اثنا، جی ڈی پی کے اعداد و شمار کا حوالہ دیتے ہوئے ، وزارت خزانہ نے کہا کہ ہندوستان گزشتہ مالی سال میں دنیا کی سب سے تیزی سے ترقی کرنے والی معیشت رہی ہے ۔ مارچ۲۰۲۳کو ختم ہونے والی سہ ماہی میں بھی ہندوستان دنیا میں سب سے تیزی سے ترقی کی ہے ۔ نجی کھپت اورسرمائے کی تشکیل میں مسلسل اضافہ کی بنیاد پر ترقی کو رفتار حاصل ہوئی ہے ۔