وادی میںتیز ہوائیں ‘موسلادھار بارشیں اور متعدد مقامات پر ژالہ باری

سرینگر//
پیر کو بعد از سہ پہر سرینگر اور وادی کے کچھ دوسرے اضلاع میں تیز ہوائیں چلنے کے ساتھ ہی موسلادھار بارشیں بھی ہوئیں ۔
محکمہ موسمیات نے وادی کشمیر میں۲جون تک موسمی صورتحال ناساز گار رہنے کی پیش گوئی کر دی ہے۔
موسمیات محکمے کے ایک ترجمان نے بتایا کہ وادی میں پیر کو بعد از سہ پہر تیز ہوائیں چلیں اور ساتھ ہی موسلادھار بارشیں بھی ہوئیں ۔ تیز ہواؤں سے سرینگر کے کئی علاقوں میں بجلی سپلائی میں بھی خلل پڑ گیا ہے ۔
ترجمان نے کہا کہ وادی میں وقفے وقفے سے بارشوں کا سلسلہ ۲جون تک جاری رہنے کا امکان ہے۔ان کا کہنا تھا کہ اس دوران وادی میں کہیں کہیں ژالہ باری بھی ہوسکتی ہے اور تیز ہوائوں کے چلنے کا بھی امکان ہے۔
ترجمان نے کہا کہ تاہم اس دوران بھاری بارشوں کا کوئی امکان نہیں ہے۔انہوں نے کہا کہ بعد ازاں وادی میں۲سے۶جون تک موسم خشک رہنے کی توقع ہے۔محکمے نے کسانوں سے کہا ہے کہ وہ۲جون تک اپنے آپریشنز جیسے دوا پاشی، فصل کٹائی کو معطل کریں۔
دریں اثنا وادی میں شبانہ درجہ حرارت اضافے کے باوجود معمول سے کم درج ہوا ہے ۔
دارلحکومت سرینگر میں کم سے کم درجہ حرارت۰ء۱۲ڈگری سینٹی گریڈ ریکارڈ کیا گیا جو معمول کے مطابق ریکارڈ ہوا تھا۔
سیاحتی مقام گلمرگ میں کم سے کم درجہ حرارت ۰ء۷ڈگری سینٹی گریڈ ریکارڈ کیا گیا جو معمول سے۱ء۰ڈگری سینٹی گریڈ کم ریکارڈ ہوا تھا۔ایک اور سیاحتی مقام پہلگام میں کم سے کم درجہ حرارت۱ء۵ڈگری سینٹی گریڈ ریکارڈ کیا گیا جو معمول سے۰ء۱ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۹ڈگری سینٹی گریڈ ریکارڈ کیا گیا جو معمول سے۴ء۱ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت۹ء۹ڈگری سینٹی گریڈ ریکارڈ کیا گیا جو معمول سے۱ء۱ڈگری سینٹی گریڈ کم ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۸ء۱ڈگری سینٹی گریڈ ریکارڈ ہوا ہے ۔